طاهرة:اجي اجي فين غدا بهاد الحالة
ليلى ضارت :مالي
طاهرة:اتمشي تمسحي داك الكمارة وتلبسي مقاد ولا نجي نشتف عليك هاي هاي غادا لكباري
ليلى:اوووف ااصهد
طاهرة قربات ليها وهي هازة لكراطة:صهد لبسي شي حاجة مبردة ماشي تعري فخادك وهاد الحومة خاصهم غا مايحضيو ويحلو فمهم
ليلى:يدهم فيه ماسوقيش
طاهرة جراتها من حوايجها:ايوا يلالة تامنكونش انا عاد ديري لي بغيتي
ليلى تنفخ وتأفف :راه مشى لحال
طاهرة:بدليييييي
ليلى حلات لبلاكار كتشوف شغا تلبس جبدات تيشيرط بولو كحل وسروال تجينس مفتوح تقاطع وكونفيغس كحلة لبساتهم:صافي رتاحيتي
طاهرة:لبسي طابلية وسيري ومسحي داك العكار داابة
ليلى:اووووف واخة
لبسات طابلية ويلاه اتمشي وهي توقفها طاهرة
طاهرة:عارفاك اتحيديها فالزنقة
ليلى حلات لباب:ايوا ملي عارفة لاش محرقالي راسي تفووو على خرية
وخرجات كتجري حيت لا شداتها اضربها
طاهرة:وااخة البرهوشة
مشات كتجري لشرجم وفيديها صنالة دميكة بقات منها غا فردة وحدة كدور فدار مرة مرة كتحتاجها مع ليلى دلات راسها من شرجم وهي تشوفها خارجة شيرات عليها بداك صندالة جاتها فراس:تحركيي تقودي دابة
ليلى كتشوف فيها:فااااك يووووووو حماارة
ومشات كتجري بالي تلوح عليها شي حاجة اخرى
الجزء الثالت💕
رجعت دخلت راسي وبديت نجمع فداك الخربة لي فيها بيت وصالون وكوزينة وحمام انا وختي كنعسو فلبيت وداك لحنطورر كيتلاح فصالون هدشي لا بات فدار عاطيها غا لسكرة وتيرسي المهيم ساليت بالجميع طيبت لغدا كان واحد لفخد.ددجاج بافي درتو مع روز وجلست نلعب فطيليفون حتى داتني عيني ونعست ماعرفتش شحال داز دلوقت ولكن فقت على صوت مصيبتي كتعيط من برى اوووف دارت الشوهة لعالام عرفها جات من المدراسة نضت شفت فساعة كانت 6ونص طليت عليها :ماالك اشووووهة
ليلى:لوحي 10 دراهم ندير لكونكس
طاهرة :يعطيك دقة الخريااا طلعي ماعنديش
ليلى:لا حشومة عليك باش انتكونكطا ونشوف حبيب قلبي ناصر الزعيم
طاهرة كتشوف واش كاين شي حد :ويلي شوهتينا واش حمقة
ليلى:ماسوقيش اري 10دراهم
طاهرة:انعطيك 5 دراهم دبري لكرك
ليلى:لااااا 5 دراهم دغيى كتقادا وانا كنبغي ندخل ليوتوب
طاهرة خشات يديها فجيبها جبدات 20 درهم ولحتها ليهاهاكي يعطيك موصيبة جيبي جوج
ليلى وهي كتهزها من الارض:ايوا من لول دريها
ومشات لحانوت جابت التعبئة ورجعات لدار لقات طاهرة كتسخن لغدا :هنا جيييت
طاهرة:تجيك فراااس غسلي يديك باش ناكلو
حطات لغدا وجلسو ياكلو
ليلى كتاكل وعنيها فطليفون
طاهرة:واازبل حط داك المشقوف وشوفي شكا تاكلي
ليلى شافت فالطبسيل:كناكل الروز
طاهرة :ناااري غنضربك السقك مع الحيط انا كنهضر ونتي كطنزي
ليلى ماداياهاش فيها:ها لعاار ما شوفي هاد ناصر الزعيم شحال زوين شتي هذا يجي يقولي يلاه معايا نمشي معاه فابور غير المهيم ندوز معاه شي ليلة حمراااا
كتقولها وهي كترمش فعنيها
طاهرة حالة فيها فمها حتى كتحيد صندالتها وتنزل عليها لفخاد:دوي يا لقحبة قلتي دوزي ليلة حمرة اجي نوريك ليلة حمرة كيف دايرة
يلاه اتولي تزل عليها وهي تشد ليها يديها:هاا لعار غا كنضحك وصااافي مانعاودش
طاهرة حطات الصندالة ولبساتها:نتي راكي حراامية علم الله شعندك فداك الراس
ماجات فين تكمل هضرتها حتى كتسمع شي طليفون كيصوني :منين جاي هاد الصوت
ليلى كتلون غا بحدها:هاا ماعرفتش
طاهرة كتحاول تعرف فين :هاد الصوني دلايفون وحنا ماعندناش الايفون
ليلى بغات تنوض وهي تشدها طاهرة:اجي لهنا جبدي طليفون نشوف
ليلى :ماعنديش
طاهرة وقفات وبدات كتقلب فجيابها وليلى كتفركل طاهرة خشات يديها فصدرها وجبداتو كان ايفون 7 :ياابنت لحرااام منين جاك
ليلى بغاات تاخدو من يديها:اريه ماشي سوقك
طاهرة:دوييي ولا نهرسو فوق راسك شفرتييه ياكي اشفاارة
ليلى:ماااسوقكش
طاهرة كتشوف طليفون كيصوني تاني بنمرة مكتوب عليها بابا:ياااع لدين مك كتكريسي فعباد الله قلت ليك هاد الخفة لي فيك اتديك لحبس ولا ادير فيك شي فضيحة
ليلى جلسات:اووووف كانكون غدا ما عليا ما بيا حتى كنشوف شي حاجة ماكنحس براسي حتى كنلقا راسي هزيتها واخة ماعنديش بيها لغراض
طاهرة:لا لا نتي خاصني نديك لصبيطار دلحماق تسطيتي
ليلى:سي ري ليه نتي نيييت بعدي مني انا
طاهرة:دوي ياداك الجفة منين خديتيه نرجعوه لماليه
ليلى:حرام عليك عجبني ومولاته تقدر تشري 10 منو لاباس عليها
طاهرة شداتها من شعرها:هضري قبل مانتعصب راكي عارفاني شنو يقدر ندير
ليلى كتعاندها:لااااااء
طاهرا نزلات عليها بالقريص مابين فخادها وليلى كتغوت:صاااافي صااافي هنا نقوووول قصحتيني
بعدات عليها:دوي
ليلى:فجردة دركس كانت جالسة وحالة ساكها وهو يبان ليا هزيتو ومشيت هههههههه شتي كون نخدم مع لمافيا والله تنفيدهم
طاهرا :سكتي خليني نجاوب وعاد نتفاهك على لمافيا
جاوبات:احم السلام عليكم ....وي سدي راه لقيتو فالجردة دركس ....اه ماشي مشكل نتلاقاو حداها ونعطيه ليك ..بسلامة
وقطعات وقربات ليها:قلتي لمافيا
ليلى:لا لا لا غي كنضحك
طاهرا:شي نهار نهرس ليك داك الفم غي زيدي
ناضت لبسات عليها وخرجات مشات لجردة لقات البنت وباها كيتسناو عطاتهم الطليفون ورجعات
بلسان طاهرة:هذي هي ختي ليلى مصيبتي لي عطاني الله فريفرة وخف من الريشة باغة توصل بالسيف وكنخاف عليها بهاد الخفة لي فيها كتعجبني بحاجة وحدة كتقرا وديما كتحيب نقطة زوينة دكية تبارك الله ان شاء الله دير شي حاجة زوينة فحياتها ماشي بحالي المهيم زوينة طويلة شوية عليا قالتلك باغة تولي عارضة ازيااه طززز زلط والتفرعين المهيم ماكنتشابهوش بزاف انا قصيرة عليها وعامرة عليها عندي تريمة وصدير ولكريشة اوووهو شعري طويل شوية يلاه قطعتو قطعته وكحل كيبري وهي طويلة وضعيفة شوية شعرها طويل شوية وكحل بحالي وجها طويل عويناتها كوحل عسليين وصغيورين مرمشين فاش كتضحك كيتغمضو ليها كتولي فنة وشنيفات صغيورين منفوخين شوية دلحنيكات خارجين وبيضة جبينة أنا لوجه مضور ولحنيكات ولعنين كبار رمادين مرمشين شفايف كبار ومبومبيين خمرية بحال لون دلبرونزاج داكشي دلافلام كيقولولي كنشبه لهيفاء وهبي وشي كيقول لكاردشيان وانا كنقولهم غا طاااهرة لمزلوطة هه ..وصلت لدار
دخلت لقيتها مجبدة كي سلوكي:لا خدامة دباك جمعي طبلة وغسلي لواني
ليلى واخة
ناضت جمعات داكشي ورجعات جلسات وفيديها طليفون
طاهرة:عوتاني لقصص
ليلى وعنيها فطليفون:وي لقصص عرفتي واحد لقصة زوييينة غا تفرشيخ اووف مصاب نعيش تأنا شي قصة بحالهم ونكتبها
طاهرة ناضت:رجوع الله المهيم انلبس عليا جا وقت الخدمة
دخلات لبسات وخرجات
ليلى كطلع وتهبط فيها:ناري عاطينكم كسوة زوينة دلخدمة جات معاك لمنية وسوميجة مع تريمة كتباني سيكسي شوفي حلي صدافات لوالا يبان صدير مالك زامتة راسك
طاهرة كتلبس صباط طالون:ماكتعرفيشتسكتي
ليلى:ها هي ساكتة
طاهرة هزات ساكها ولبسات من لفوق واحد لكاب طويل وهزات طليفونها ودوزات واحد النمرة:فينك..صافي هنا نازلة
وشافت فختها:هنا مشيت ديري عقلك وشدي عليك لباب لاجا داك لحنطور ما تجبديهش وماتهضريهش دخلي لبيت وشدي عليك لا وقعات شي حاجة عيطيلي صافي
ليلى :واخة
طاهرة قربات وباستها:ديري عقلك الله يرضي عليك
ليلى باستها تاهي:واااخة طوطو ديالي هههه
طاهرة:هههههه طوطو لاواه قلا...
ليلى:هههه بحال بحال
طاهرة:بيزوووووو بي بي
وخرجات لقات طاكسيي حدا لباب ركبات وداها الاوطيل "
Tags:
2
Tooop
ردحذف