21
دار المتعة- الحلقة الواحدة والعشرون..
تأليف دودي العيساتي
خفت يجي يديرلي شي فضيحة هنا.. مفكرتش انه ممكن يجي حتى للدار.. مشيت لقيتو فالطوموبيل.. ركبت معاه وبعد من الدرب
ايهاب: علاش طافية التلفون..
اكرام: باش ميسمعوهش دارنا.. مبغيت مشاكل..
ايهاب: ولا مبغاش تهضري معايا.. هادا هو اتفاقنا ياك..
اكرام: ايهاب.. انا كنتعدب.. مرضتيتي.. ماشي حياة هاديك.. ديك المرة جرحتي رجلي.. الله اعلم المرة الجاية اش غادير..
ايهاب: ياك قلتلك غانعوضك..
اكرام: ونفسيتي شكون غايعوضها.. راني مرضت ومبقيتش كننعس.. جسمي تشوه كله بسبب شذوذك..
ايهاب: عليها اذا سديتي التلفون..
اكرام: ايهاب عفاك فرقني عليك.. انا عييت.. ومبقيتش قادرة..
ايهاب: ولكن انا مبغيتش..
اكرام: انا مبقيتش غانجي عندك..
ايهاب: غاتجي ..
اكرام: لأ ايهاب.. مغانجيش.. وعفاك نساني.. ونصيحة مني ليك .. قلب ليك على شي طبيب يداويك.. حيت هاداك مرض..
ايهاب: انا مامريضش..
اكرام: مريض..
ايهاب: اكرام.. غانستناك غدا..
اكرام: قلتلك مجاياش..
ايهاب: غاتندمي..
اكرام: مبقا بيناتنا حتى حاجة.. خديتي مني بزاف مقابل الدين.. صافي دابا سالا.. كل واحد فينا فطريق..
ايهاب: كنت عارفك غاديري هاكا... وغاتغدري..
اكرام: انا ماشي غدارة ولا كلبة تلعب بيها.. انا انسان فهم..
ايهاب: كنت ناوي نعيشك اميرة ونعطيك اللي بغيتي.. لوكنتي سمعتي مني.. ودرتي داكشي اللي بغيت.. ولكن نتي غدرتي.. دابا غانضطر نوريك الوجه الاخر ديالي..
اكرام: اش غادير.. غاتفضحني.. نتا غاتفضح راسك..
ايهاب: لا.. ولكن مازال بيدي ندخلك الحبس..
اكرام: اش كتقصد..
ايهاب: حيت نتي امية ومقارياش.. صحابليك راك تخلصتي من الدين.. ومعرفتيش باللي الوراق اللي عندك هي فقط اوراق فرعية.. والورقة الاصلية اللي كتدينك راها مازال عندي.. يعني اللي عندك نتي فزكيهم وشربي الما ديالهم..
اكرام: 😰 يعني .. كنتي كتتفلا عليا..
ايهاب: نتي اللي غدرتي اكرام ماشي انا.. كون قبلتي بشروطي كاع منوصلو لهادشي..
اكرام: 😭 شنو بغيتي مني
ايهاب: هاكداك..شدي قنت وباراكة من التفرعين اللي عاد كنتي مطلعة منو دابا .. انا ماشي غبي باش ديرها بيا وحدة بحالك.. متنسايش راسك.. ديري عقلك نهزك فوق راسي ونديرك تاج.. تستعملي كيد النسا؟.. نوريك اللي عمرك ماشتيه.. وتولي تبانلك علاقتنا جنة..
اكرام: عندي ليك رجاء.. 😭
ايهاب: 😠
اكرام: عفاك متعدبنيش راني عييت ..
ايهاب: انا عارف مزيان اش كندير.. ها حنا وصلنا لحومتك.. نزلي .. وغدا الصباح نلقاك فالدار.. هه دار المتعة 😉
نزلت من الطوموبيل وانا مهازانيش رجلي.. انا اللي كنت فرحانة اني ساليت العداب .. هو صدق ديب .. عارف مزيان اش كيدير.. ياربي فوقاش غايسالي هاد العداب.. عييت.. علاش تقلب عليا الحظ فجأة هاكا.. واش هادا عكس ولا زهر خايب.. ولا تابعة.. بديت كنشك فشي حاجة خارج الطبيعة هي اللي دايرة هاكا.. مشيت للدار وانا مكسورة.. وماحاملاش راسي.. حطيت يدي على خدي.. وغمضت عيني فوجه الاعصار..
ايام ورا ايام وانا كنمشي لدار المتعة... سمية في محلها.. حيت عمري شفت ديك الدار غير ذلك.. كنمشي وانا كنستنى جلادي يمل شي نهار.. هو ولا مل ولا كل.. زايد فيهم وعارف منين شادني.. كنرجع مهلوكة للدار بحال الى كنت فحرب.. كرهت راسي بالمعقول.. وكرهت الظروف اللي خلات واحد بحال ايهاب يدير فيا هادشي.. واحد النهار فقت الصباح لقيت فيا الدم.. فرحت حيت غنرتاح منو واحد السيمانة .. كان فيا الحريق على غير العادة والدم كيجري.. قلت فراسي ربما العيالات غير البنات العزبات.. بحكم اني وليت مرا.. يا لسخرية القدر.. اتصلت بايهاب وعلمتو.. معجبوش الحال طبعا.. خصوصا اني غانبعد سيمانة على قدها عليه.. شديت المانطة وجلست نرتاح من الهم ديالو ..
22
كرشي كانت كتحرق بزاف.. شربت مسكنات .. ومبغاش الحريق يمشي.. حسيت انه شي حاجة ماشي عادية كاينة.. باينة انه الاعراض ديال الحرام بانو.. اما شي مرض فالرحم او حمل.. الى كانت الاولى الحمد لله انه ربي بغا يكفر عليا سيئاتي فالدنيا.. قبل الاخرة.. اما الى كانت التانية فهاديك غاتكون مصيبة.. في كل الاحوال اول شخص فكرت فيه يحل ليا المشكل ويديني للطبيب هو ايهاب.. خديت تلفوني وصونيت ليه...
ايهاب: نعام..
اكرام: انا فيا نزيف.. خاص تديني للطبيب..
ايهاب: خرجي للدرب .. انا 10 دقايق نكون معاك .. نديك للطبيب ..
اكرام: واخا..
نضت بتثاقل وخرجت بلا ميحس بيا شي واحد.. وبقيت كنستناه.. حتى داز بالطوموبيل وهزني.. مشينا لنفس المصحة ديال ديك المرة.. انا واخا فيا الحريق ولكن كنت مركزة على كل التفاصيل.. دخلنا ومشا هضر معاهم وانا بقيت نستنى.. شوية لقيتو جاي هو وواحد الطبيبة ودخلوني لبيت .. قالتلي نعسي على واحد الباياص.. حدا الايكوغرافي.. غطاتني.. وعراتلي كرشي ودارت بوماد.. ديك الساعة بدات كتدوز بداك الجهاز.. شوية قالت..
الطبيبة: مللي عارفة راسك كاين عنف لاش كتحملي.. باغا تديري اجهاض وخلاص..
عنف!! اجهاض.. واش هاد السيدة عارفة شي حاجة..
اكرام: اجهاض؟؟ ولكن انا مدرت اجهاض..
الطبيبة: شنو كنتي كتسناي.. علاش مكنتيش كتشربي كنينة..
ايهاب: هي معندها ذنب.. انا اللي كان خاصني نعلمها.. هي معارفاش فداكشي..
الطبيبة: كل مرة كتجيبلي وحدة وتقولي هي معارفة والو.. راه هادي صحتهم.. شي نهار تموت شي وحدة بهادشي..
كل مرة.. يعني جاب قبل مني بزاف دالبنات.. انا كنت عارفة انه لللي بحال ايهاب ذئب وضحاياه كتار ..
الطبيبة: راها دارت اجهاض.. المرة الجاية بقا تفكر فالكنينة..
حسيت بغصة.. مبقاش فيا الحمل قد ما بقا قيا راسي اللي وليت لعبة فانسان احترف التعذيب.. درت الاجهاض ورغبت الطبيبة نمشي لدارنا.. منقدرش نبات حيت غايعيقو بيا.. كرهت ومليت.. اتصلت بختي تتلقاني.. وصلني ايهاب.. رجعت للدار ودخلت للبيت نيشان ونعست.. قلت لامي باللي فيا الدم.. وبقيت ناعسة وما ديتها فحد.. وليت لا ماكلة ولا نعاس.. شفت فالدوا اللي شرالي ايهاب.. وتفكرت هضرة الطبيبة.. اللي قالت باللي كل مرة يجيب وحدة.. انا من ضمن بزاف..بقا كل نهار كيصوني يسول فيا.. كنجاوب بزز.. هو كيسول غا فوقاش نولي لاباس.. باش نمشي لعندو.. كيكملها بتوحشتك.. مكرهتش نموت ونتهنى.. ونسالي هاد العداب..
بعد شهرين.. وليت لاباس ورجعت عاود لداك العداب..ولكن هاد المرة ركزت مع راسي وبديت نشرب الكنينة.. واحد النهار كنت راجعة من عندو.. وانا نتلاقا واخد السيدة كنعرفها كانت خدامة معايا..
المرا: لاباس اكرام.. فين غبورك.. مبقيتيش خدامة؟
اكرام: خدامة فمعمل اخور..
المرا: فخبارك جات واحد البنت ولات علينا باطرون.. قالك مرت مول الشركة.. الصراحة زويينة..
اكرام: مرتو!!!
جاني عجب .. هو مزوج واش باغي مني مازال..
المرا: قالك خطيبتو ومازال مادارو العرس.. بنت العز باينة فيها..
اكرام: غانخليك تعطلت.. بالسلامة..
ولد الحرام.. خاطب بنت العز.. وانا مخليني للمتعة.. الله يخليه بالخلا..
23
ديتها فراسي ورجعت للدار.. يا ربي يتزوج ويعطيني بشبر دالتيساع.. صونالي باش نمشي عندو وفعلا مشيت..
ايهاب: توحشتك
اكرام: مبروك
ايهاب: علاياش
اكرام: على الزواج..
ايهاب: خههه اومنبعد..
اكرام: غاتبني حياتك.. وانا ؟
ايهاب: نتي شنو
اكرام: حتى انا بغيت نبني حياتي .. مغانبقاش حياتي كلها عشيقة
ايهاب: شنو بغيتي ..
اكرام: بغيت نعيش حياتي..
ايهاب: انا مموافقش
اكرام: اش هاد البرود.. نتا تعيش حياتك عادي .. وانا نبقا محبوسة..
ايهاب: حسبي راسك دخلتي الحبس.. عادي.. ولكن حبس زوين.. وفيه الفلوس
اكرام: نتا كلشي عندك كيتقاس بالفلوس.. انا مكيهموني فلوس.. شبع بيهم..
ايهاب: عليها متعلق بيك..
اكرام: وزواجك..
ايهاب: سمعيني اكرام.. انا خاطب قبل ما نتعرف عليك.. غير بروتوكول.. ودايما العشيقة كتكون عزيزة كتر من الزوجة.. يعني نتي مقامك اكبر عندي..
اكرام: نتا كتحكم عليا بالاعدام..
ايهاب: اش دخلك لهاد الهضرة.. خلينا نتمتعو..
اكرام: 😒
هو مامسوقش اصلا لزواجو.. هو لقا الكلبة او الدمية اللي يخرج فيا عقدو.. بقيت معاه داك النهار وحتا هو مامشاش.. واستغليتها فرصة نسولو.. ونشوف اش خلاه يكون هاكا..
اكرام: ايهاب
ايهاب: مم
اكرام: عمرك فكرتي تمشي لطبيب؟
ايهاب: هه علاش كتسولي ..
اكرام: هادشي ماشي طبيعي .. لوكانو كاع اللي مزوجين هاكا كون كلشي طلق..
ايهاب: انا مشيت لطبيب .. ولكن انا فرحان حيت انا هاكا وعاجيني الحال.. ومبغيتش نتغير..
اكرام: والطبيب قالك هادشي طبيعي؟
ايهاب: بقا كيخرف.. ويقول باللي انا معقد من والديا.. وشي هضرة فارغة..
اكرام: والديك؟ واش بتك كان سادي
ايهاب: بالعكس.. امي تطلقات منو.. كنت مازال صغير مللي سمعتها كتقول عليه ماشي راجل.. خلينا من هاد الهضرة .. اش دخلك نتي فخصوصياتي..
اكرام: سمحلي.
دابا عاد فهمت منين جاه هاد العنف كله.. تعقد من والديه.. وجاه باللي العنف هو وسيلة اللي تخليه يبان راجل.. بفف معقد ومفرغ فيا انا عقدو..
دازت عام وانا فهاد العذاب.. العام الفايت بحال ليوما بالضبط.. تصدمت اول صدمة فحياتي.. مللي عرفت باللي جلال خدا فلوسي وغرقني فبير.. مازال كنغرق فيه لحد الان.. معرفتش كيفاش غانتفك منو... بعد ايام.. وفحياتي الروتينية.. خرجت نتسخر.. مللي رجعت لقبت حدا دارنا اخر انسان كنت نتحمل اني نشوفو .. هو بشحمو ولحمو.، رجع .. ولى نقي شوية الهوا ديال اوروبا خلاه يتنقى .. ولكن انا غانبقى حياتي كلها شايفاه قدامي جلاخة وزبل عمرو يولي نقي.. قربت منو ببطء.. هو شافني وحل فمو بالفرحة،، واشفرح ليا حيت غرقني.. وجا يطئن واش مت ولا باقي..
جلال: اكرام 😍
اكرام: اشنو بغيتي..
جلال: انا جبت حيت توحشتك.، ومقدرتش نصبر مازال على فراقك.، انا سمحت فكلشي.. على قبلك نتي ا اكرام.. جيت من جديد باش نعوضك عن كل العذاب اللي شفتيه فحياتك
اكرام: كل العداب!! نتا اخر واحد تهضر على العذاب،، سمعتي..
جلال: اكرام انا مغانخليك تحتاجي حتى حاجة.. تيقي بيا وسمحيلي..
اكرام: ساليتي؟
جلال: معمري نمل من الهضرة معاك
اكرام: بالسلامة.، سير رجع منين جيتي.. راني ديجا قلتلك انا مباغاكش.. سير فحالك..
24
عصبني هاد بنادم .. اش باغي مني واش مكفاهش داكشي اللي وقعلي بسبابو.. مرضني ... مستحيل نرجعلو واخا يبقا غا هو فالدنيا.. واش حتى غرقني عاد جا .. ساهلة عندو.. دخلت للدار وحطيت السخرة.. بشفت فالساعة لقيتها 7 .. فين مشات شيماء.. تعطلات بزاف.. بقيت معصبة وطالعلي الدم من داك بنادم اللي شفتو.. جلست نلعب فداك التلفون د ايهاب.. باش نشغل راسي.. حتى بنولي كتوبة شيماء.. قلت ارى نتسلى فيهم بحال ديما .. على ما تجي.. اما هي مللي تجي حسابها معايا على هاد التعطال.. بانتلي واحد الورقة وحليتها وانا نتصدم..
اختي الغالية اكرام.. اود ان اشكركي على كل ما فعلته من اجلي.. صدقا كنتي الوحيدة التي صبرت من اجلها في هذا المنزل اللعين.. فقد صبرتي على مصائب اكبر من عمرك.. وكنتي ضعيفة امامها .. ذلك لانك قنوعة.. ولم تطلبي الكثير.. اما انا.. فلا اريد ان يكون مصيري مثلك.. لن اقبل بذلك .. اود ان اقول لكي اني قررت الرحيل من هذا المنزل.. الى الابد.. لا تبحثي عني لانك لن تجيديني.. سوف ابدأ حياتي كما اود ان تكون .. ولن ارضى ان اكون مجرد انثى لا قيمة لها هنا.. اعتني بنفسك .. وتذكري اني احبكِ.. اختكِ شيماء..
اش هاد المصيبة .. علاش درتي هاكا اشيماء علاش.. علاش ضيعتي راسك.. كنا غادي نحلو مشاكلنا.. علاش تضيعي كلشي.. خديت التلفون دغيا وصونيت لايهاب
ايهاب: وي
اكرام: ايهاب عتقني .. ختي هربات من الدار..
ايهاب: اش غاندير ليها انا..
اكرام: كيفاش اش غادير.. خاصك تعاوني نلقاها
ايهاب: بففف.. صيفطيلي شي فوطو ديالها .. وغانشوف اش غاندير..
اكرام: واخا.. عفاك لقاهالي وانا غانبقى خدامة تحت رجليك ابعمر كله..
ايهاب: غانشوف .. وياربي متنسايش هاد الوعد..
اكرام: كنقسمليك بالله.. حتى نوفي بيه..
ايهاب: واخا..
قطعت معاه ونضت لعند ماما نقولهالها.. لقيتها جالسة مع الجحش وكتوكل فيه.. الله يوحلو ليه..
اكرام: ماما .. بغيت نهضر معاك بوحدنا..
امي: هضري هنا.. علال بحال باك..
اكرام: حشاك.. بغيت نقولك باللي شيماء طجات من الدار.. 😥
امي : الله يغبر ليها الشقف.. البرهوشة لوخرا .. لهلا يردها.. الله يتبعك ليها ونتهنى منكم بجوج..
اكرام: واش تني ام ولا جايبانا من الزنقة.. نتي معندك حتى ذرة ديال الامومة.. واش كتبيعينا على قبل هادا.. هادا غاياخد كاع داكشي اللي عندك ويلوحك.. هادو اللي كتهضري عليهم راهم بناتك.. واش مكتحشميش ..
امي: سمعيني ياهاد سليطة اللسان.. انا دفنت شبابي مع باكم..وصبرت وخدمت عليكم حتى كبرتكم..دابا متسالوني غا الصلاة ع النبي.. واللي بغات فيكم تخرج ها الباب ..
اكرام: انا ممتيقاش هادشي اللي كنسمع.. ولكن انا معامن كنهضر.. اللي بحالك كتشوف بناتها كيتمحنو ويتحكرو قدامها ومكيتحرك فيها والو.. ماشي غريب عليها هاد الموقف.
25
خرجت وبقيت كنسول الجيران.. واش شافو شيماء .. حتى واحد مشافها.. تقهرت حيت مشات.. هي اللي كانت باقيا ليا فهاد الدنيا.. كنت كنشكي عليها همي.. مكانش خاصني نقسى عليها.. كان ضروري نفهمها غا بالخاطر انه غانتجاوزو هاد المحنة.. انا السبب .. انا اللي خليتها كارهة العيشة .. بسبب الشكوى الدائمة ديالي.. علاش ياربي كيوقعلي هاكا.. واش مكتاب عليا نتمحن فحياتي.. دازو يوماين ورجليا طابو بالدوران والتقلاب.. مخليت حتى قنت.. حتى صحاباتها والمدرسة .. كلهم قلبت فيهم.. والو.. مشيت لعند ايهاب اللي تعصب محيت غبرت عليه
ايهاب: اش هاد اللعب ..
اكرام: ملقيتيش ليا ختي..
ايهاب: قلبت ومالقيتش.. درت مجهودي .. والو..
اكرام: 😭 انا اللي ضيعتها..
ايهاب: سمعيني مزيان.. هي حرة دير مبغات .. فهاد الدنيا كل واحد حر .. نسايها وعيشي اللحظة..
اكرام: اشمن حياة واشمن لحظة كتهضر عليها.. انا مبقات عندي حياة 😓
رجعت للدار وانا منكسرة .. ومعندي امل فأني نلقا ختي.. ضاع الامل .. وصلت للدار وانا نلقا جلال حدا الباب كيستنى
اكرام: افف.. اش بغيتي تاني..
جلال: نتي عارفة اش بغيت.. اكرام علاش ولى قلبك قاصح هاكا.. مبقيتش عارفك..
اكرام: البركة فيك.. نتا اللي قصحتيهلي قلبي
جلال: اكرام خلينا ننساو كلشي ونبداو من جديد
اكرام: هه ننسى!! شنو ننسى باللي علقت فيك املي وخيبتيه.. ولا اني جمعت معاك كل ريال باش نبني معاك حياتي وهدمتيها... ولا ننسى الدين ديال 4 المليون اللي خليتيه فرقبتي وبسميتي انا .. واللي كان ممكن يديني الحبس..
جلال: انا مستعد نخلصها ليك.. واش تسلفتيها من شي حد.. انا غانردهالو..
اكرام: تردهالو هه.. فات الفوت اجلال.. تعطلتي بزاف..
جلال: اكرام كنترجاك.. انا مستعد ندير اي حاجة باش ترجعيلي.. غانكون عبد ليك.. غير سمحيلي..
اكرام: قيلني عليك اجلال.. والله يسامحك على داكشي اللي درتي فيا..
جلال: علاش هاد القسوة.. قوليلي ياكما رجع عندك شي حبيب.. كاين شي راجل اخور فحياتك؟ جاوبيني..
اكرام: ونتا مالك.. ماشي من حقك تسول
جلال: جاوبيني .. بدلتيني ؟
اكرام: نتا اللي بدلتي راسك..
جلال: يعني كاين!! 😠
اكرام: قلتلك ماشي سوقك.. قيلني عليك .. ونساني كما نسيتك انا ..
جلال: يا تكوني ليا.. يا مغتكوتي لحتى واحد فحياتك كلها..
اكرام: هه وراه هادشي صحيح.. مغانكون لحتى واحد.. كرهتيني فشي حاجة سميتها ثقة وحب.. عرفتي اجلال.. واخا تكون اخر راجل فالدنيا.. مغاديش نرجع ليك .. فهمتي..
لم عدت تعاتبني الان.. لم اخترت تحديدا هذا الاوان.. اظننت ان قلبي لن يسع احدا سواك.. ام خلت هذا القلب لن يقبل بهوى غير هواك.. أعذرني يا سيدي، ولكنك أخطأت التقدير . وأغلقت كبرياؤك المزيفة كل مجال للتفكير.. ربما نسيت أو جعلت نفسك تتناسى.. ففي هذا الزمان ليس هناك من في الاخلاص يتفانى.. بيديك أخذت دفتر أحلامي ومزقته.. وجمعت ذكرياتي في كتاب ثم عنوة بعثرته.. لن أنسى ذلك الإعصار الذي حل بكياني.. وسرق مني كل ضحكة أردت اهداءها لزماني.. ولكن اعلم انني قد اعلنت الانتقام.. فليس لك مني من بين جديد الاحلام مكان.. فاذهب يا سيدي .. لقد عدت بعد فوات الاوان
دخلت للدار وخليتو.. مزيان تبارك الله .. داير زبلة قدها قداش وجاي كأن شيئا لم يكن.. باز الوجه القاصح.. مبقيت كنهضر مع حتى واحد فالدار.. كنسد عليا الباب.. حتى داك خويا اللي كان كيضربي .. وليت كنسكتو بزرقالاف .. ومكيدوزش من جيهتي.. الفلوس شحال دايرين قيمة لبنادم مع هاد القوم.. كنبروفيتي من ايهاب.. مبقاش كيعطيني بزاف.. ولكن على الاقل كتر من داكشي البي كنت كنتخلصو فالمصنع.. شيماء يا شيماء.. خليتي بلاصتك..دابا وليت نهضر مع الحيط 😞
26
دازت ايام روتينية.. جلال كل نهار منقزلي للدار.. ولى تقيل على القلب.. هادا هو اللي كنت غانحماق نهار مشا وخلاني.. للاسف بنادم مكيعرف قيمة الانسان حتى يتفارق عليه.. ولكن مللي كيرجع يقلب عليه مكيلقاهش.. هادشي اللي صرا لجلال معايا.. رجع حتى فاات الفوت.. مبقاش كيهمني ابدا.. انا دابا مبقات تهمني حتى حاجة من غير اني نتخلص من ايهاب..وليت كنتهلا فراسي وكنشري حوايج جداد كل مرة .. كنتهلا فراسي ..واحد النهار كالعادة مشيت دوزت نهاري فدار المتعة.. مللي جا يخرج ايهاب.. لقا جلال فالباب.. تصدمت واش كان تابعني.. اش بغا مني.. واش غايوقع..
ايهاب: شكون نتا..
جلال: انا خطيبها..
ايهاب: ااه نتا هو اللي خدا القرض من الشركة.. بغيت نشكرك بزاف ..
جلال: انا غانرونكم.. هادا باش بدلتيني.. لاباس عليه وكيعطيك الفلوس .. هادا هو باش بدلتيني.. وراكي معاه فالدار بوحدكم يالشريفة العفيفة..
ايهاب: غاتمشي بحالك دابا.. ولا ندير فيك شرع يدي..
جلال: لا غير دير.. انا غانقتلكم بجوج..انا ضيعت حياتي .. باش نرجع ليك اكرام..فالاخر نتي بعتي راسك لهادا.. هادي هي النية والحب..
ايهاب: خرج برا..
خرجو برا وسد الباب.. وانا تبكمت .. معرفتش اش غانقول.. واش نقوليه باللي نتا السبب.. طمعك هو اللي وصلني لهادشي.. لا .. مغنشرحبو حتا حاجة.. حيت هو مبقات ليه بلاصة فحياتي.. ومغانديرليه حتى قيمة..
تأكدت ان جلال مكاينش ومشيت للدار.. تما لقيت امي كتتسنى..
امي: يا بنت الحرام.. واش باغا تخرجي عليا..
اكرام: شنو كاين..
امي: اش ةديري فالديور مع الرجال.. خرجتي الطريق.. هادي هي تربيتي ليك..
اكرام: باش عرفتي
امي: غاتخرجي من داري.. يا بنت الحرام.. نتي معادش ليك بلاصة فهاد الدار.. الله يتبعليك البلا.. جلال جا دار لينا فضيحة .. وخوك خدا جنوي وحالف يقتلك ليوما.. ويقتل داك المدير ديالك..
اكرام: خويا 😰ً
دخلت دغيا لبيتي .. جمعت حوايجي.. خاصني ضروري نمشي لعند ايهاب .. هو اللي غايحميني من خويا.. اكيد غادي يلقالي بلاصة نتخبا فيها.. هادشي اللي كنت خايفة منو.. دابا وقع.. خرجت دغيا وماشفتش مورايا.. سمعت غا امي متبعالي الدعاوي.. شديت طاكسي .، وصونيت لايهاب..
ايهاب: شنو
اكرام: عائلتي ساقو لخبار.. وخويا حالف يقتلنا بجوج..
ايهاب: شنوو؟؟ انا .. انا مخاصني مشاكل.. حللي مشاكلك مع خوك.. انا متدخلونيش بيناتكم
اكرام: كيفاااش.. هادشي اللي قدرك عليه الله.. ماشي نتا اللي طيحتينا فهاد المشاكل..!
ايهاب: سمعيني مزيان.. تخباي فشي بلاصة هاد الايام ولا شدي شي غرفة فشي اوطيل.. حتى يهدا الحال.. ومن الافضل منتلاقاوش .. الى جا خوك لدار عائلتي ولا للمصنع يشوهني غاتكون مصيبة..
اكرام: هادشي ماشي غريب عليك.. عرفتي ايهاب.. انا خسرت كلشي.. ومعندي منخسر اخور.. عمرك تشوف هاد الوجه مرة اخرى.. كنواعدك..
قطعت وخليتو.. حتى وصلنا للمعقول خلا بيا .. وحتى جلال .. مكنتش عارفة انه برهوش حتى لهاد الدرجة..وانه مسموم وقلبه كله حقد.. فين غانمشي دابا.. اه قررت نمشي بحالي .. الى الابد من هاد المدينة.. ماجا فبالي الى طريق المحطة.. وصلت ليها وبقيت كنشوف .. الكيران مستفين الى جميع المدن.. مكانش مهم عندي فين بالضبط.. الكار اللي جا قدامي ركبت فيه ..وجلست وبدات رحلتي الى المجهول.. رحلة معارفاش اش كيستناني فيها
27
لالة فيقي الالة.. راه وصلنا..
فقت بعدما كنت مربعة يديا ومكمشة ومسندة راسي للزاج ديال الكار.. فقت على الكريسون كيفيقني.. شفت لقيت الكار خاوي مافيه حتى شي واحد.. معرفتش كيفاش حتى نعست.. نضت نخرج وانا معارفاش فين وصلنا بالضبط.. كان ظلام الحال.. بقبت كنتمشى فالمحطة جاني البرد.. شي كيبيع الديطاي شي كيقطع الوراق.. شي كيبيع كلينيكس.. شي كيسعى .. شي كيجري يلحق على الكار..شي حمق.. شي ناعس فالارض.. بزاف دالمشاهد هما،. تمشيت وانا حاضنة صاكي.. خرجت من المحطة بانلي كيشي قريب.. تفكرت انه خاصني نتيري الفلوس.. مشيت تيريتهم.. ورجعت للمحطة.. جلست فواحد الكرسي وتخشيت فراسي.. كل واحد دايها فراسو .. انا غريبة على هاد المدينة وعمري خرجت من مدينتي.. معرفتش اش كيستناني واش غانتقتل هنا ولا غانولي بحالهم كنسعى..جلست شي ساعتين والليل كيزيد يبرد فيه الجو.. جبدت شال من صاكي درتو على ظهري وبقيت كنتأمل.. انا سمحت فدارنا وفإيهاب.. كان خاصني ندير هادشي شحال هادي.. ولكن خاطري كان كيقول لا.. على قبل عائلتي .. وعلى قبل شيماء.. واش دابا غايحبسني ايهاب حيت مغنرجعش ليه.. خليه يحبس.. مكيهمش.. دابا خسرت كلشي.. بردت حيت حطيت من على ظهري جبل.. اللي هو الخوف من الفظيحة.. دابا صافي تفضحت واللي وقع وقع.. لاول مرة فحياتي كنضرب الدنيا بركلة.. ومكتهمني حتى حاجة.. تنفست بهدوء .. وجلست..كان الظلام بزاف والناس مبقاوش.. كتبانلي مرا كتنوض من بلاصتها .. معرفتش علاش طولت النظر فيها.. شوية فقدات التوازن ديالها.. وبقات كتشد راسها باش مطيحش ولكن توازنها قل وبدات كتحاول تشد فأي حاجة قدامة وطاحت فالارض.. قلبي ضرني عليها ومقدرش نخليها هكاك .. نضت بسرعة لعندها وشديتها ..
اكرام: لالة مالك.. واش نتي لاباس.. لالة..
مكانتش قادرة تهضر.. قلبي مهنانيش.. كيفاش مرا كبيرة هاكا يخليوها ولادها بوحدها هاكا.. انا كنت حدا مي باغا غير رضاها.. وهي كانت كتقمعني وتبعدني عليها.. جريت جبدت قرعة الما كانت عندي وبديت نرش عليها وكنحاول نشربها.. مكانتش كتقدر تحل عينيها.. وحتى الهضرة مكانتش كتقدر عليها .. حليت تلفوني وبديت نصوني للاسعاف.. مكانوش كيجاوبو occupe.. فكرت نصوتي ل 19 جاوبوني.. قلت ليهم باللي لقيت واحد المرة فالمحطة مغيبة وباللي كنتاصل بالاسعاف والو.. قالولي غايصيفطوها حالا.. بقيت كنستنى شوية حتى وقف عليا البوليسي ديال المحطة
البوليسي: اش كاين الالة..
اكرام: هاد المرا سخفات هنا..
البوليسي: واش كتعرفيها
اكرام: لا ..
البوليسي: دابا توصل الاسعاف.. ونتي غاتجي معانا..
الله يا ربي واش اللي يقدم مساعدة فهاد الزمان.. غايوحل فمشاكل..
ما امتنعتش وبقيت مع المرا.. هزيت صاكي ودخلت معاها للامبيلونص ومعانا البوليسي.. وصلنا للسبيطار..دخلوها وبقيت كنستنى.. والصراحة مكنتش خايفة ابدا.. حرج عندنا الطبيب ..
الطبيب: واش نتي كتجيلها..
اكرام: لا غا لقيتها طايحة فالمحطة..
البوليسي: مالها ادكتور..
الطبيب: والو غا طايح ليها السكر وطالع شوية الطونسيو.. باينة فيها ماكلاتش النهار كله.. درنا ليها محلول كليكوز وغاتفيق دابا شوية.. لقينا هادي فيدها.. ورقة فيها ابني ورقم التلفون..
الطونسيو: مزيان غادي نتاصلو بيه..
اكرام: ممكن نشوفها..
الطبيب: تفضلي ..
دخلت عندها وشفت فيها.. كانت ناعسة شوية حلات عينيها..
المرا: شكون نتي ابنتي..
حسيت بالدموع غاينزلو مني مللي سمعت كلمة بنتي..فحياتي مسمعتها.. حتى امي اللي ولداتني مقالتهاش ليا.. زيرت راسي وهضرت
اكرام: انا واحد البنت.. لقيتك طايحة فالمحطة .. وجبتك لهنا..
المرا: قربي مني ..
اكرام: هانا اخالتي..
المرا: شنو سميتك
اكرام: سميتي اكرام..
المرا: الله يرضي عليك ابنتي..
شديت يدها وبستها شوية تفتح الباب بالجهد ودخل منو واحد الراجل.. مخلوع
الرجل: امي.. 😰
باينة ولدها هادا مخلوع عليها.. وكيبوس يدها.. فين كان مللي بقات هي فالمحطة بوحدها.. انا لوكنت بلاصته وعندي ام بحالها نعتكف حداها ومنخليهاش بوحدها.. شوية رد ليها البال باللي كاينة..
الرجل: قالو ليا باللي نتي اللي جبتيها للسبيطار..
اكرام: اه..
الرجل : ممكن نهضرو برا شوية..
اكرام: طبعا..
خرجنا وحط يدو فجيبو.. وجبد فلوس.. وعطاهملي ..
الرجل : كنشكرك بزاف على هاد المعروف ..
شفت فيه وتأسفت.. واش صحابلي درت هادشي على قبل الفلوس..
اكرام: شكرا.. ولكن ماشي اي واحد كيدير الخير على قبل الفلوس.. تهلا فالواليدة .. وسلم عليها
خليته ومشيت.. غانرجع من تاني للمحطة.. معنديش فين نمشي والمدينة مكنعرف فيها حتى واحد..
29
تمشيت فأرض الله وانا كنتأمل .. واش كلهم هازين هم بحالي.. الوجوه تختلف .. منها اللي باين فيه البؤس ومنها اللي فرحان.. ولكن حتى واحد معارف شنو مخبية الضحكة.. مرا وراجل كل واحد غادي بوحده ومكيشوف فلاخور..ووحدبن اخرين شادين فيد بعضياتهم.. وفرحانين.. وصلت للمحطة معرفتش شحال ضربت دالطريق .. بقيت كنسول كل دقيقة واحد ونقوليه فين طريق المحطة.. وشوية يدوزو عليا شباب يبداو يهضرو .. مبقيت كيهمني حد.. والخوف تسالا.. وصلت ومشيت نجلس.. المكان الوحيد اللي عامر بالناس.. واللي نقدر نجلس فيه بلا ما نقدر ننعس.. مع انه بزاف اللي باينين ليا ناعسين .. العيا كان متمكن مني بزاف.. بقيت كنفكر شنو يكون واقع دابا.. وايهاب اش غايكون داير...داني النعاس وانا كنقكر.. شوية فقت على واحد كيجبد مني صاكي.. شفت فيه وبديت نغوت وكنجر صاكي .. فجاأة جبد الموس وعطاني بيه لدراعي .. طلقت بعدو الصاك وبدا كيسيل مني الدم.. طار ومبقيت شفتو .. وحتى واحد مداها فيا يعتقني.. بدات الضربة كتحرقني.. شوية بداو الناس يتجمعو عليا وانا بديت نحس قوتي كتنقص مني.. بعد شوية جات الاسعاف وهزاتني..مشاو الفلوس ومشاو الحوايج وكلشي.. وحتى لاكارت ناسيونال ديالي مشات.. داوني للسبيطار خيطولي دراعي.. وداوني للناموسية ننعس.. بقيت غير كنشوف .. وليت وحيدة مع انه حياتي كلها وانا بوحدي.. كل الناس جاو عندهم عائلاتهم جابو ليهم الماكلة الا انا.. شوية جات عندي واحد البنت .. كانت جاية لعائلتها..
البنت: تاكلي اختي..
اكرام: شكرا..
البنت: واش مجا معاك حد..
اكرام: لا راني بوحدي..
البنت: وعلاش مجاوش معاك عائلتك..
اكرام: حيت معندي حد.. مقطوعة من شجرة..
البنت: اه .. واخا انا كنجي كل وقت لعند خالتي كنجيب ليها الماكلة.. غانجيب ليك حقك حتى نتي..
اكرام: الله يجازيك بخير..
عطاتني كليت وعاوناتني.. مهما كان الشر بزاف فالدنيا.. رغم ذلك مازالين كاينين الناس اللي فيهم الخير.. فعلا كل وقت كانت كتجيبلي الماكلة.. وبزاف دالناس بعدها اللي جا يزور عائلتو كيطل عليا يشوفني ويطمئن عليا وكل واحد كيقولي واش خاصاك شي حاجة نجيبهالك.. وتصادفت مع نهار الجمعة تما.. شفت بزاف دالناس جاين وجايبين ماكلة وحوايج كيفرقوهم على المرضى اللي معندهم حد.. ناس كيجيو من بعيد بزاف وكيضربو تمارا باش يديرو الخير فواحد مكيعرفوهش.. وباغين غا دعوة الخير.. كاين اللي عطاني الفلوس بعدما عرف اني اتسرقت.. جاو البوليس خداو اقوالي النهار الاول.. طول المدة اللي انا جالسة فيها تما.. وانا كنفكر اش غاندير ملي نخرج من هنا اش غاندير وفين غانمشي.. اما النهار الاخير واللي كتبلي فيه الطبيب الخروج.. تفاجأت بانسان جا عندي للسبيطاار.. كان ابن المرا اللي ديرها للسبيطار.. يا ترى علاش جاي..
الراجل: سولت عليك قالولي تضربتي ومشيتي للسبيطار.. على سلامتك..
اكرام: الله يسلمك.، يا ترى علاش كتسول فيا
الراجل : انا اسف على داك النهار.. مقصدتش .. على العموم امي باغا تشوفك وتشكرك بنفسها.. وانا منقدرش نكسر ليها كلمة..
اكرام: خرجات من السبيطار؟
الراجل: اه راها فالدار.. وكتستناك تشربي معاها شي كاس داتاي العشية..
اكرام: واخا..
عاوني وخرجت من السبيطار.. كان موجد الطوموبيل .. ركبت فيها ومشينا.. مكانش كثير الكلام ابدا..وعينيه فيهم حدا غريبة.. وصلنا للدار ... وخرجت وانا شادة دراعي.. ومازال حوايجي فيهم الدم.. كلهم سرقهم الشفار.. الله يقطع يديه..نتضامن مع عاهرة ومنتضامنش مع شفار فحياتي.. حيت بالسرقة ديالهم كيدمرو بنادم... دخلت للدار .. واستقبلاتني المرا.. سبحان الله كاين شي ناس غا تشوف فوجهم ينشرح قلبك من عند الله..
المرا: بنتي اش وقعلك..
اكرام: تكريسيت..
المرا: الله يقطعلو يدو هادا اللي دار فيك هادشي.. اجي جلسي ..
اكرام: ربي يحفظك..
المرا: قوليليا اكرام.. فين عائلتك..
اكرام: انا معندي حد.. امي تزوجات وجرات عليا من الدار.. وبا الله يرحمو..
المرا: وفين جالسة دابا نتي..
اكرام: فالزنقة.. 😞 عاد جيت البارح.. وتسرقو فلوسي وحوايجي..
المرا: من ليوم غانعتبرك بحال فارس..
اكرام: شكون فارس..
المرا: ولدي .. وبقاي تعيطيلي مي هنية..
اكرام: واخا امي.. ليا الشرف تكوني امي ..
هنية.. حتى انا ابنتي.. مكرهتش تكوني بنتي.. اللي تحرمت منها.. 😞
اكرام: واش عندك بنت؟
هنية: كانت عندي.. قبل ما تقرر تكون مع راجلها وتمشي..
اكرام: كيفاش..
هنية: مشيت نطل عليها .. ولكن راجلها محملش وجودي .. وخيرها اما تمشي معاه اما تبقا معايا.. سمعتها كتقول ليه غانمشي معاك.. وجمعت حوايجي وخرجت جيت للمحطة وركبت لهنا.. ووقع للي وقع..
اكرام: فين كانت بنتك غاتمشي ..
هنية: مشات مع راجلها لايطاليا..
اكرام: سمحيلي على هاد الهضرة.. ولكن بنتك حمارة.. انا لوكانت امي بغاتني .. غانسمح فالدنيا على قبلها..
هنية: الله يهنيها مع راجلها.. الى كانت مرتاحة معاه.. انا غانكون فرحانة ليها.
30
هنية: نتي غاتبقاي معايا.. الدار كبيرة .. وغانعطيك بيت وتونسيني هنا..
اكرام: ولكن يقدر ولدك ميبغيش..
هنية: ولدي النهار كله وهو فالجامعة.. مكيجي حتى الليل.. وانا كنبقا النهار كله بوحدي ..
اكرام: سوليه ربما يكون عندو مانع..
دخل فارس وقالت ليه امه الكلام تصدم..
هنية: ولدي .. اكرام غاتبقا معانا..
فارس: امي..ممكن نهضرو بوحدنا..
ناضت امي هنية وبقات مع ولدها.. ولكن هضرتهم كانت مسموعة..
فارس: امي اش عاد الهضرة.. فين عرفنا هاد البنت شكون ولا اصلها وفصلها.. تخيلي صدقات نصابة ولا شفارة..
هنية: لا باينة فيها نية ودريويشة.. منرضاش نخليها للذياب فالزنقة..
فارس: امي..
هنية: واش باغي تعصيني.. انا صافي قررت..
فارس: مستحيل نعصيك امي.. ولكن كيفاش نقدر ناخد راحتي فداري ومعايا بنت غريبة ..
هنية: نتا متاقي الله.. وغاتعرف حدودك.. واش عاجبك الله النهار كله وانا وجهي فالحيوط.. بغيتها تونسني ..
فارس: 😓 كما بغيتي امي.. ولكن انا ممريحانيش.. وبانلي موراها شي سر..
هنية: وسع خاطرك اولدي.. ماشي كاع العيالات بحال بحال..
رجعات عندي امي هنية وانا كتعاود فودني كل كلمة قالتها.. اش كتقصد بالعيالات ماشي بحال بحال.. واش ديجا نصبات عليهم شي وحدة ولا..
هنية: اجي ابنتي نوريك بيتك.. غانحسبك بحال بنتي بيسان.. وغانعطيك بيتها وحتى حوايجها..
نصت معاها وتبعتها دخلت للبيت.. ولقيتو زوين .. مكنتش كنحلم باللي فيوم من الايام غايكون عندي بيت بحالو.. حلاتلي الماريو.. فين حوايج سبحان الله تقول ليا.. الدنيا غريبة.. كنت راضية بيت فوق السطح مع جلال.. والله عطاني دابا بيت كبير وام ثانية .. عوضني بيها.. فرحت بزاف..
هنية: دوشي راه الحمام فيه كلشي.. وحاولي على دراعك.. بدلي حوايجك .. ديك الساعة اجي تتعشاي ..
اكرام: لهلا يخطيك عليا اماما.. معرفتش كيفاش غانردليك هاد الخير..
هنية: باراكة عليا غير هاد الكلمة.. ابنتي..
عنقتها وحسيت براحة كبيرة بزاف.. عمري معنقت امي.. اول مرك نحس بطعم الحنان.. كان من هاد السيدة .. خرجات وبقيت كنتفرج فبيتي.. عجبني بزاف.. واخيرا غانبدا حياة جديدة.. وغاننسى كلشي.. ننسى الماضي ديال ايهاب.. وديال جلال .. واخا نموت هنا مغايهمنيش.. حيت غانموت مرتاحة... دخلت للدوش .. كان فيه كلشي.. البرودويات والفوطات... انا هادشي كنت كنلقا فيه صعوبة.. كنت نشري شمبوان بزز.. الدنيا كتتقلب فلحظة.. ياريتني هرب من زمان.. ومخفتش من الهروب.. حيت احيانا الهروب نجاح.. دوشت وحسيت جسمي خفاف بزاف عليا.. اول مرة كنحس راسي نقية.. ومافياش داك الوسخ ديال ايهاب..ساليت الدوش وخرجت لبست حوايج جداد.. الله يرحم الايام اللي كنت كنشري فيهم من البال.. هادو ميتحسبوش اوكازيون بالمقارنة مع هادوك اللي كنت كنلبس.. فرحت براسي وخرجت نقية .. كنت كنحس براسي ديك الساعة ليدي ديانا.. نزلت لقيت امي هنية جالسة .. وفارس كيحط فالعشا.. استغربت واش هو اللي وجد العشا زعما.. وكيحطو بنفسو.. واش مازال فهاد الزمان كاينين رجال بحال هادا بارين بوالديهم.. سعداتو اللي غايتزوجها
هنية: اجي ابنتي تجلسي.، جلسي حدايا..
اكرام: لهلا يخطيك
هنية: مدي يديك.. راه ولدي فارس كيعرف يطيب.. شهوة من طيابو..
اكرام: بالصح؟ الله يعطيه الصحة..
هو حنا راسو ومجاوبش.. كما قالت امه متقي الله .. ومكيهزش عينو فيا.. الله ياربي واش باقيين فالدنيا بحال هاد الرجال.. انا عرفت جوج رجال فحياتي.. كل واحد ازبل من التاني.. وكرهوني فالرجال دالدنيا كلهم.. كملنا العشا .. وبدا عاود يجمع الطبلة.. ومعكزش.. الله ينعل العيالات قدامو،. مغنكدبش ونقول انه ما جدبش انتباهي.. هو من اول نظرة .. ومن اول تصرف .. قدر يثير انتباهي.. وغير نطرتي على الرجال.. وانهم كيشوفو المرا فقط مثيرة.. ومتصلاح غير للشهوة
31
دخلت لبيتي ونعست لاول مرة فحياتي مرتاحة.. لحت كلشي مور ظهري ونسيت كلشي.. غاننسا الماضي ديالي وغانبدا حياتي .. ولات عندي ام .. و.. واخ 🙈.. هه تصبحو على خير.. 😬
فقت الصباح على هوا نقي.. فرحني بزاف.. مكنتش كنحس ابدا بالالم.. نضت وتوضيت وصليت .. خرجت لقيت غا مي هنية جالسة..
اكرام: صباح الخير اماما..
هنية: صباح الخير ابنتي.. نعستي شوية مزيان..
اكرام: اه بزاف..
هنية: فطورك واجد..
اكرام: هادشي بزاف عليا ههه
هنية: كل صباح ولدي فارس كيوجد الفطور.. كنفطرو انا وياه.. وليوما طلبت منو يخلي الفطور على الطبلة.. حتى تفيقي على خاطرك وتفطري ..
اكرام: من هنا لفوق خاصني نوض قبل منكم ونوجد انا لفطور.. فارس خاص يرتاح شوية..
هنية: نتي هاد الساعة حاولي على دراعك .. وبعدو ديري اللي حبيتي..
اكرام: عمر مكان شي حد حنين عليا بحالك وخايف عليا.. الله يخليك ليا..
هنية: ويجعل فيك الخير ابنتي..
جلست نفطر.. وانا فرحانة وعندي الشهية دالماكلة.. وهو يجي فبالي نسول مي هنية..
اكرام: ماما.. علاش فارس متزوجش حتى لدابا..
هنية: ولدي .. الله يرضي عليه.. كان مزوج وطلق..
اكرام: طلق.. شكون هاد المخبولة اللي تطلقات من واحد بحال فارس..
هنية: شكون يسمع ابنتي..كاين شي ناس كيحرمو على راسهم النعمة.. ومكيقدروهاش.. قصة طويلة.. غانعاودهاليك الى مغاتمليش..
اكرام: عمري نمل من حديثك امي ..
هنية: الله يرضي عليك ابنتي.. المهم فارس من صغرو وهو عينو على بنت عمو.. كان يبغيها.. عرفتي ابنتي كان يجيبليها اللي تطلبو.. يحيدها من عينو ويعطيهالها.. ولكن هي مكانتش حاملة .. كان يبغيها .. ويقيل جالس حدا مدرستها يستناها .. وحتى حدا دارهم.. سالات قرايتها ومشيت نخطبو ليها.. ولوسي الله يرحمو وافق وفرح بزاف.. عرفتي فالخطوبة الى وريتك تصاورها غتضحكي.. التغوبيشة باينة.. دارو العرس.. وسكنت معانا هنا.. كنت ديما كنسمع غواتها.. فاول يوم زواجهم بدا الصداع.. كيبغي رضاها .. ولكن هي والو.. يقول ليها اليمين تقوله يسار.. معكسة.. حتى انه انا مكانتش حاملة ليا شي كلمة.. ولكن عمري قلت لولدي عليها شي حاجة.. كنت باغاهم غا يتراضاو.. واحد المرة.. عرفنا انها حاملة.. فرحنا بزاف.. ولكن هي لا.. حتى واحد النهار وصلاتها صاحبتها ودخلات تنعس.. على بالنا الحمل هو اللي مفشلها..صدقت مطيحة الحمل..
اكرام: حمارة 😳
هنية: واهنتي شفتي.. تما نوضوها بيناتهم.. وسمعاتو كلام ميتقالش.. قالتلو طلقني انا مكنحملكش.. انا كنبغي واحد اخور.. طلقها.. سالات شهور عدتها وتزوجات واحد اخور.. بحال الا كان كيستنى فيها..
اكرام: هو اللي ربح..
هنية: ولدي من نهار عرفها وهو اللور لور.. رغبتو بزاف يتزوج مبغاش.. كره العيالات فمرة.. عايش عزري شحال من عام دابا.. كتر من 10 سنين.. وعمرو حتى متعرف على شي وحدة .. ولا حاول يبني حياتو.. مكرهتش يلقا بنت الناس ويدير وليداتو.. الانسان كيكبر.. شحال غانعيشلو انا..
اكرام: الله يرزقو بنت الحال اللي تسعدو.. هو مرضي.. وغادي يعطيه ربي على قد نيتو ..
هنية: امين ابنتي .. امين
32
دازت ايام ودراعي ولات بخير،. مي هنية ما مخلياني محتاجة حتى حاجة.. اما فارس مكيطلعش فيا عينيه.. حتى انه مكيطلب مني نديرليه حتى حاجة..كلشي كيديرو بخاطرو.. واحد النهار فاق لقاني فالكوزينة كنوجد الفطور..
فارس: صباح الخير..
اكرام: صباح النور.. غانوجد ليك الفطور..
فارس: نتي ماشي مجبرة ديريلي اي حاجة.. انا نعرف ندير كلشي لراسي..
اكرام: ولو.. عدابك راحة.. قولي .. نتا اش كدير فالجامعة..
فارس: كنقري.. استاذ ..
اكرام: نتاعاش..
فارس: ديال القانون..
اكرام: تبارك الله عليك.. يعني كتعرف مزيان فالقانون..
فارس: والا مكنتش غانقريه..
اكرام: مم .. واحد البنت كنت كنعرفها خدات قرض من شركة.. وخلصاتو .. ولكن نصبو عليها وعطاوها وراق مزورين.. واش تقدر تاخد حقها..
فارس : القانون لا يحمي المغفلين.. شكون هاد البنت..
شاف فيا بتمعن كأنه فهم اني كنهضر على راسي.. تبدلو فيا الالوان..
اكرام: وحدة كنت كنعرفها..
كمل الفطور وناض.. وصل الباب وقال ..
لا تأمنن الى النساء ولا تثق بعهودهن.. فرضائهن وسخطهن.. معلق بصدورهن.. يبدين ودا كاذبا.. والغدر حضو ثيابهن.. بحديث يوسف فاعتبر.. متحذرا من كيدهن.. او ما ترى ابليس.. اخرج ادما من اجلهن..
صدمني من هضرتو.. خرج ومشا.. وانا اتفقصت من هاد الهضرة.. واش صحابليه باللي العيالات كلهم بحال بحال.. او اش قصد.. واش صحابليه كنتقرب منه.. 😳لا لا لا.. انا مكنتقرب منو ما والو... ومباغا منو والو.. فاقت هي هنية ولقاتني كناكل فجنابي..
هنية: مالكي..
اكرام: والو.. مكاين والو
هنية: واش قلقك فارس فشي حاجة..
اكرام: اا لا.. مقلقنيش..
هنية: مممم.. هههه واخا تيقتك..
اكرام: مي واش فارس كره العيالات كاع..
هنية: مكيتيقش فيهم.. حيت مرفضاتوش بنت عمو من الاول ومكانتش صريحة برفضها.. وانا شاكة باللي باها هو اللي بزز عليها..
اكرام: يعني شداتو خيبة امل من حبو الوحيد..
هنية: هاكداك..
اكرام: واخا
هنية: شنو اللي واخا
اكرام: ههه والو
هنية: ههه احياني عليك..
يفوح شذى الياسمين ولو دسناه الف مرة.. مازال قلبي رغم كاع داكشي اللي داز عليه.. كيحس وكيتشد لاشخاص.. بحال فارس.. ولكن واش فارس غايقدر يقبل بشي وحدة بحالي .. انا فين وهو فين..واش غايديها فيا انا.. حتى لو داها فيا.. واش غايقبل بيا بعدما يعرف بالماضي ديالي..وباللي كنت لعبة فدار المتعة.. ديك الدار اللي غاتبقا نقطة سوداء فحياتي .. مهما حاولت نفرح غانبقا نتفكرها.. اثارها مازالت فجسمي لحد الان.. تنفست بعمق.. وتهدنت.. حيت اللي بحالي مخاصهاش تحلم.. كيكفيني هاد الهدنة اللي راني فيها واللي مكنتش كنحلم بيها .. دخلت للبيت وخيبة املي باينة فيها.. فارس يا فارس.. هل تمانع بان ابعث لك برسالة؟ .. رسالة مشت عليها الازمان... رسالة تبعثر فيها الكلام..رسالة لم يكتب لها عنوان.. ولكن كتبت فيها صمتا.. في لحظات خطت لها نفسي.. نفسي التي لم اجدها بين تلك الكلمات .. فاعذرني ! على صدق احاسيسي.. فذنبي الوحيد أني لم أغفر لنفسي .. نفسي التي باتت تكتب كي لا تضيع في الطرقات .. طرقات الالام والاهات.. فكانت النهاية رسالة مغلفة بروح انسانة.. معبأة بالعطف والحنان..
33
وليت عارفة راسي معجبة بفارس.. شخصيته الانطوائية الممزوجة بجدية غير طبيعية.. كتخليني نتجذب ليها .. وليت كنتبعو بعينيا فينما مشا .. حتى انه مللي كيخرج كنتبعو بعيني .. وكنطل عليه من السرجم حتى يركب فطوموبيلتو ويمشي..
وكنوض بكري قبل منو كنوجد الفطور.. وكنوجد العشا بالليل .. كنحفظ التوقيت اللي كيدخل فيه وكيخرج..جلسنا العشا واحد النهار..
هنية: قوليلي ابنتي.. حتى فين وصلتي فقرايتك
اكرام: التاسعة..
فارس: نجحتي فيها
اكرام: ☺️اه انا كنت قراية..
فارس: الى بغيتي نقدر نسجلك فباك حر .. الى نجحتي غادي نسجلك فالجامعة..
اكرام: واش يمكن 😃
فارس: فالقانون الى نجحتي فالتاسعة تكوني خديتي بيها شهادة الاعدادية.. تقدي تدفعي لباك حر.. وبعدها تقدري تسجلي فالجامعة..
اكرام: فرحتيني بزاف..
فارس : شهر 11 غايبدا التسجيل.. وجديلي لاكارط ناسيونال ديالك.. نجيبلك بيها الوثائق كلشي.. بلا متتعدبي نتي..
اكرام: لاكارط ناسيونال 😳
فارس: معندكش؟
اكرام: تسرقاتلي 😔
فارس: خاصك تديكلاري بيها ..
اكرام: واخا..
فارس: شي نهار سيري نتي وماما .. غانتاصل ليكم بصاحبي فالكوميسارية.. غايعاونك..
اكرام: واخا..
جمعت الطابلة.. بقيت كنشوف فيه بطرف العين.. تصدمت مللي لقيتو محيدش عينيه عليا.. كان غايوقفلي القلب .. وووجهي ولا حمر.. متنفست حتى وقف واستأذن باش ينعس.. ناضت مي هنية تنعس حتى هيا .. وانا قلبي بقا كيضرب.. حتى مشيت لبيتي .. ووقفت مور الباب وانا شادة على قلبي.. نظرات نظرات.. اتراه يفكر فيّٓ؟.. أتراني بباله..؟أحقا نظراته تعبر عما بداخله؟ اذا كان كذلك فأنبأك أن تطمئن.. فالرسالة قد وصلت.. او اني متوهمة حالمة.. انسج احلامي على مقاسه.. نظرات اخرى.. الاهي احفظني من نار هذه النظرات.. الملتهبة الحارقة كالشرارة.. وقودها اللهفة والسكوت.. نظرات .. نظرات.. نظرات كالسهام يبعثها بقوة.. فتخترق جدار الصدر وتنغرس في قلبي.. فلماذا..؟ وماذا ؟ والى ماذا يرمي..؟ كيفما كان الحال فأنا تعبت.. وطال بي الصمت.. وطالت معاناتي.. فلك ان تتقدم خطوة .. او تتراجع خطوات.. تأكد من ان ذلك سيكون خيرا لي .. ولك.
بقيت متبعاه فكل خطوة.. فالغالب هو ساكت وكيقرا كتاب.. او جريدة.. او كيهضر مع امه..
نهار الويكاند ديالو فاق الصبح بكري كالعادة.. ولقاني كنوجد الفطور..
فارس: حتى فالويكاند كتنوضي بكري.. كتمحني بزاف.. كلشي نتي اللي كديريه.. الميناج والتصبين والطياب.. الى كتعياي انا ممكن نجيب شي وحدة اللي دير هادشي.،
اكرام: هادشي عمرو مكان متعب ليا.. ابدا.. هادشي اقل شيء ممكن نديرو ليكم.. حيت درتو معايا خير عمري ننساه..
فارس: انا اللي خاصني نشكرك.. امي من نهار جيتي للدار وصحتها تحسنات.. كتفوجي عليها بزاف.. نفسيتها ولات مزيانة.. هادشي منقدرش نجازيك بيه..
اكرام: متبادل.. حتى انا نفسيتي تحسنات بزاف مع مي .. كاين شي بنت كتسخى من امها وكتسنى مقابل..؟
فارس: الله يجازيك على قد نيتك
قلبي فرح بزاف حيت نيتو اتجاهي بدات كتتحسن.. بدا كيتعامل معايا مزيان.. حتى انه قرر يخرجنا انا وامه داك النهار.. تسارينا حتى شبعنا.. وفوجنا.. جيت للدار حتى نعسو كلهم.. وانا يبانولي الحوايج اللي كنت لابسة نهار جيت هنا.. الحوايج دالنحس.. جبتهم وبديت نقلب فيهم.. حتى لقيت الساروت ديال دار المتعة.. تفكرت باللي كنت دايراه فالجيب... حطيتو فالماريو حتى نتخلص منو من بعد.. بقبت كنفكر .. من اول يوم بغيت فيه جلال وحلمت ببيت صغير معاه.. وقنعت بالقليل.. حتى لهاد الشي للي وصلت ليه.. فكرت فأن جلال هو اكثر شخص اذاني فهاد الدنيا.. وهو السبب المباشر فمشاكلي
34
بقيت نفكر فجلال.. حتى لقيت راسي كنقول فيه خاطرة.. احترت بين الفرح والحزن منك.. بين حبي وكرهي لك.. بين الشكوى والعتاب عليك.. آثرت السكوت والكتمان فنسيتك.. غادرت المكان فكنت غير آبهة لك..عشت ايامي مرتاحة بدونك.. نسيت السهر وليالي السمر بقربك.. فرحت لما سبوت اليه في بعدك.. عشت دنياي فوجودك مثل عدمك.. وظننت الذكرى هي كل ما تبقى لي من حبك.. فرحت اجمع بقاياها من الطرق التي جمعتني بك.. وارصها في مفكراتي المهدات لي منك.. فتحملني لحظات وتعيدني اليك.. فأتذكر من جديد اني نسيتك..
الله ينعل اللي ما يحشم.. كنت بخير وكنفكر ففارس.. حتى بانلي نفكر فالطفيليات.. باز والبه حتى باز.. نعست وانا مغمضة عيني وانا كنقول فارس .. فارس.. فارس.. ههه تخيلتو جاي كيجري وكيعيط عليا اكراااام اكراااام.. ونعست .. فقت الصباح .. وانا فرحانة مشيت نوجد الفطور .. لقيت فارس الاحلام سابقني وكيحط فالفطور..
فارس: صباح الخير..
اكرام: صباح النور..
فارس: انا هضرت مع صاحبي اللي فالكوميسارية.. غاتمشيو نتي وماما ليوما تديكلاريو.. باش يخرج ليك لاكارت جديدة..
اكرام: واخا..
فارس: يالله انا غانمشي .. تعطلت..
اكرام: الله يسر ليك.، ويبعد عليك ولاد الحرام..
شاف فيا لحظة وهضر: امين .. كان قلبي غايوقف.. الله يا ربي.. مالي.. واش ممكن ينسى الانسان كلشي اللي داز عليه فلحظة.. غير بسبب حب جديد .. الله يجعلو خير.. فاقت مي هنية وفطرات.. وانا مشيت بدلت حوايجي..وخرجنا.. شحال زوين تتمشى مع ام بحالها فالزنقة.. وصلنا للكوميسارية.. واستقبلنا السيد اللي قالينا عليه فارس.. المعرفة زوينة .. بقينا كنديرو فالاجراءات.. وجلسنا كنستناو.. شوية ناض السيد وتعطل.. شوية رجع عندي وكان مبدل فيه اللون..
هنية: علاش معطلين اولدي..
الراجل: غانستناو فارس يجي الواليدة..
هنية: واخا..
بقينا كنستناو.. حتى جا فارس.. كانت شي حاجة ماشي هي هاديك.. دخل معاه لبيرو اخور وبقاو كيهضرو.. حتى خرجو بجوج ولكن فارس كانت على وجهو واحد التغوبيشة.. موجهة ليا بالتحديد..
فارس: امي.. نوضي نمشيو بحالنا..
هنية: اش كاين اولدي.. اش واقع..
الراجل: هاد السيدة الواليدة عليها مذكرة بحث وطنية .. فقضية اختلاس..
اكرام: 😱كيفاش.. انا مدرت والو.. اقسم بالله.. ماما عفاك متخلايش عليا.. ماما انا مدرت والو والله مدرت شي حاجة..
فارس: خلينا نمشيو اماما..
اكرام: فارس 😭 عفاك انا شحال هادي وانا معاكم.. واش شفتو مني شي حاجة خايبة..
فارس: انا كنت عارف انه موراك شي سر.. والصراحة اخر حاجة توقعتها انك تكوني نصابة، سيري بحالك.. ونساينا..
بقيت كنغوت وشداني هيستيرية.. والبوليسي كيشد فيا ويجرني بعيد على امي اللي كانت مصدومة ومنطقات حتى كلمة.. علاش ياربي حتى قلت تهنيت عاد رجع كلشي للزيرو علاش.. دارها بيا ايهاب.. مللي ملقانيش ديكلارا بيا.. الله ياخد فيه الحق.. 😭😭😭
35
علاش يا زهري.. كلما نقول نرتاح نرجع من الاول.. واش وجهي ديال البكا .. خدي ديال الدموع.. عييت.. بقيت مرعوبة.. والضابط دايرلي التحقيق وانا كنترعد .. كنجاوب هضرة اه وهضرة لا.. حسيت راسي من جديد بوحدي.. سالا التحقيق ودخل عندي ايهاب ..
اكرام: معيتيش.. 😭
ايهاب: اش قلتلك انا.. واش قلتلك بدلي المدينة!!! ياك قلتلك غبري يوماين فشي اوطيل.. حيت خايف عليك.. نتي مشيتي هربتي وسديتي تلفونك .. اش كنتي باغا ديري .. وشكون هاد الناس اللي راكي معاهم ،،،
اكرام: عفاك خليني نعيش .. راك دمرتيني
ايهاب: اشمن دمار.. واش باغا تحمقيني.. درتلك دار ليك.. وكنعطيك كل شهر مبلغ عمرك حلمتي بيه..
اكرام: انا مبغيتش هادشي.. بغيتك تعطيني بالتيساع انا عييت 😭
ايهاب : اكرام متعصبينيش..شوفي .. انا غانديرك الله بسميتك.. وهاكا غاتضمني مستقبلك وباللي عمرك تتلاحي عند عباد الله..
اكرام: هاديك عمرها تكون داري.. هاديك دار المتعة..
ايهاب: سمعيني انا تفارقت مع خطيبتي.. من نهار جا خوك للشركة ودارلي فضيحة تما وكلشي ساق الخبار.. اضطريت نحبسو.. يعني مبقا خطر عليك.. ومعندك مناش تخافي ... رجعي عفاك..
اكرام: عفاك نتا.. نبوس رجليك.. خليني فالتيقار
ايهاب: مستحيل .. طلبي اي طلب .. من غير اني نتفارق معاك.. انا مغانخرجش من هنا الا معاك... والا غاتبقاي هنا..
اكرام: مازالك كتهدد... انا منقدرش .. هادشي سميتو زنا.. باراكة عليا من الاثام..
ايهاب: بسيطة.. نتزوجو ..
اكرام: شنو 😳
ايهاب: كما سمعتي.. انا مستعد نتزوج بيك وتكوني مرتي على سنة الله ورسوله وقدام كاع الناس.. اش قلتي..
اكرام: واش كتهضر بالصح ..
ايهاب: اه .. الى وافقتي غانخرجك من هنا حالا..
اكرام: موافقة 😓
ايهاب: 😀اذا غادي ندير الافادة ديالي باش نخرجك من هنا..
ماعرفتش علاش وافقت .. يمكن حيت تجاوزت مرحلة الالم ووصلت لمرحلة التبلد والامبالاة.. ومبقاش كيأثر فيا الالم ديالو والضرب والتعذيب.. اللهم نضمن دار وزواج.. وفارس!! حلم زوين وضاع فلحظة .. بضياع عمري.. سالا الاجراءات وجا عندي..
اكرام: ممكن توصلني لدار امي هنية .. نهز حوايجي..
ايهاب: افف..
اكرام: عفاك..
ايهاب: واخا 😒
وصلني ايهاب لدار فارس .. غرغرو عينيا بالدموع.. نزلت ..
ايهاب: متعطليش .. انا كنستنى..
نزلت بزز ومشبت دقيت.. ويديها ورجليا كيترعدو.. حلاتلي مي هنية غير شافتني تلاحت عليا وعنقاتني وبقات كتبكي
اكرام: امي 😭
هنية: بنتي 😭دخلي ..
دخلت ومشيت جلست معاها..
هنية: اش واقع ابنتي..
اكرام؛ انا عييت امي ..
هنية: عاوديلي ابنتي..
اكرام: غادي نختصر ليك.. حيت كيستناني.. وخاصني نمشي معاه.. ولكن واعديني اني مهما عاودتلك.. غانبقى بنتك.. وغاتفكريني بدعوة زوينة..
هنية: معندك فين تمشي غاتبقاي هنا..
اكرام: انا كنت مخطوبة لواحد السيد..وكنا بجوج خدامين فواحد المعمل ديال الخياطة.. وكنت كنخليه يهز الخلصة ديالي باش نجمعو الفلوس ونتزوجو.. ولكن هو غدر بيا ومشا خدا قرض بسميتي من الشركة.. وخدا فلوسي وحرك بيهم.. مول الشركة استغل هاد الفرصة وحيت انا معندي حد فالدنيا اللي يعاوني.. خيرني بين الحبس وبين اني نعطيه نفسي .. كنت خايفة من عائلتي ومن الفضيحة.. مشيت معاه.. صدق سادي وعدبني حتى مليت حياتي.. الاثار فجسمي مازالين.. مبغاش يبعد مني وكان كيهددني.. حتى انه مقبلش نخلص الفلوس بالتقسيط.. دار المتعة .. هي اللي كان باغي وصاف.. مكانش بيدي حل .. حتى تفضحت.. وكان باغي خويا يقتلني.. ومي جرات عليا وسخطات عليا.. وهربت الهنا.. واليوما شفتي .. تبعني حتى الهنا.. ماشي حيت بغا فلوسو.. لا حيت بغاني نزجع لدار المتعة..
هنية: الله ياربي.. كاع هادشي .. نتي صغيرة على هاد المصائب كلها كيفاش قدرتي تتحملي ..
اكرام: تحم..
فارس: ساليتي من الكدوب.. اش جاية ديري فداري.. خرجي برا..
اكرام: انا عمري كدبت 😭
فارس: برا ..
هنية: ولدي اكرام غاتبقا معانا..
جا جرني من دراعي بلا ميدير خاطر لامه.. وجرني برا.. وسد عليا الباب..
فارس: معمرك تعتبي باب هاد الدار..
حسيت بحرقة من اعماق قلبي طلعاتلي السخانة والعرق مخلط بالدموع.. كنت كنتمنى انه يتيق بيا.. حيت ثقته بيا كتهمني.. حيت مشاعري اتجاهه صادقة.. حيت كنبغيه.. اه ولاول مرة كنقولها كنبغيه... مسحت دموعي وزيرت على عيني .. صافي عييت من البكا.. هاد البكا اللي كيعدبني اكثر وكيخلي راسي كيحرق وغاينفجر.. طلعلي فراسي .. مسحت دموعي.. ومشيت للطوموبيل ديال ايهاب.. وركبت
ايهاب: علاش تعطلتي.. كنت غاننزل عندك..
اكرام: غا كنت كنودع المرا..
ايهاب: عليها عينيك حومر..
اكرام: اه.. خلينا نمشيو..
ايهاب: واخا 😬
ديمارا الطوموبيل.. ورجعت للادغال من جديد.. لحياتي الاولى .. ولكن مارجعتش اكرام الاولى.. رجعت اكرام وحدة اخرى..
36
مشيت معاه لدار المتعة .. دخلت من جديد ولكن هاد المرة بنفس جديد.. هو فرح بزاف.. ولكن انا محاملاهش.. عرفت طريقي هاد المرة بدون ما يجرني ليه.. السرير.. معطيتوش علاياش كيقلب.. ماغوتش ومتوسلتوش.. حيت هو داكشي اللي كان كيقلب عليه.. اكتشفت انه كيزيد نشوة بعذابي .. صبرت وهو كايزيد يضرب.. وانا ساكتة وصابرة.. شوية شدلي فعنقي وبدا كيخنقني .. حسيت عيني خارجة والنفس مقطوع .. حسيت الروح كتطلع.. غوت هو غوتة وحدة وطلق مني وناض.. بديت كنكح بالجهد.. وكنشهق .. والدموع نازلين... وكنحط يديا على صدري .. وكنزيد نكح.. وهو مجايبلي خبار اصلا.. واش غانتزوج بيه ويقتلني.. امري لله.. مع انه يحز في نفسي نموت فهاد البلاصة .. شغاتقول لله .. باللي خفت وسايرتو.. يا ربي انت عالم بحالي ..
✔️في بيت فارس
وجد فارس العشا وامه جالسة وحاطة يدها على خدها ومكتهضرش...
فارس: امي .. واش غادوزي النهار هاكا .. مغاتهضريش معايا..
هنية: اش غانقول 😒
فارس: واش معصبة على قبل ديك البنت اللي معرفنا اصلها شكون.. نسايها عليك امي..
هنية: ديك البنت ضحية.. ولحناها فالعافية ليوما..
فارس: متقوليش ليا تيقتيها.. دوك النوع انا عارف كيفاش كيمثلو ويكدبو على عباد الله..
هنية: ديك البنت مكتكدبش اولدي.. انا متأكدة.. ياك نتا استاذ قانون.. شوف شي ثغرة تقدر تخرجها بيها من القضية.. الله يرضي عليك اولدي
فارس: لا حول ولا قوة الا بالله..
هنية: الله يرضي على ولدي.. الى بغيتي تفرحني جيبلي البنت .. بغيت نسمعها حتى الاخر..
فارس: واخا.. اجي تاكلي دابا.. ويكون خير..
هنية: الله يرضي على ولدي..
نعسات الام وطلع فارس لبيت اكرام.. دخل وبقا كيشوف فيه.. بانليه الماريو حلو.. لقاها مكمشة حوايجها ولايحة فيهم التلفون.. هزو وشعلو .. وبقا كيقرا الميساجات.. {{اكرام فينك واش بغيتي تهربي مني.. انا غانديكلاري بيك وغاندخلك الحبس الا مبغيتيش تجي لدار المتعة كما مسمياها نتي .. }}
فارس: دار المتعة!!!
✔️عند اكرام
خرجت من الدوش ومشيت للمرايا..بقيت كنشوف .. معقلتش راسي.. اثار التعذيب باينة فعنقي.. الى بقيت شادة الضد مع ايهاب غايخرج عليا.. غانحاول نمثل اني كنغوت وكنتعذب.. باش يخفف عذابو.. والا غانصدق خارجة من هنا فتابوت.. لاول مرة غاننعس فهاد الدار.. سمعت الباب تحلات لقيت ايهاب جاي وجايب معاه ماكلة..
ايهاب: انا جبت ماكلة .. اجي تاكلي.. ويلا معجباتكش نمشي نبدلها..
جيت ومهضرتش جريت الكرسي وجلست.. جبدت الماكلة وبديت ناكل..
ايهاب: بصحتك.. الى خاطرك فشي حاجة اخرى علميني..
بقيت كناكل ومكنجاوبش..
ايهاب: اكرام.. نتي مغتهربيش مرة اخرى ياك..
وقفت الماكلة وطلعت عيني فيه.. بقيت كنشوف باستغراب..
ايهاب: احم انا وياك غانمشيو نتسخرو الحوايج اللي خاصين للدار .. باش تبقاي تطيبي ديما هنا..
اكرام : واخا 😒
ايهاب: عرفتي اكرام.. دوزت وقت خايب بزاف .. مللي مكنتش لاقيك.. سولت كاع الاوطيلات .. ووصيت كاع صحابي.. ومكانش عندي حل اخور من غير اني نديكلاري..
اكرام: تيقتك..
بقيت كناكل ومكنشوفش فيه .. شوية شدلي فيدي
ايهاب: اكرام.. انا كنبغيك..
اكرام: 😒
37
كلمة كنبغيك مكتعنيلي والو.. حتى اني متحركتش مللي قالها ومتهزات فيا شعرة.. اش غايزيدلي هاد الحب.. غايبردلي الضربات اللي كناخدهم منو.. ولا غاتصبرني على عدابو.. كرهتو هادي اقل كلمة نقوها فحقو.، استغلالي واخا يجيبلي كنوز الدنيا مغاديش يشفعولو فقلبي.. لاول مرة كنبات فدار المتعة.. معمري نعست فيها ولا غمضلي جفن.. نعس معايا ايهاب.. كيحسسني باللي انا كنحماق على البقاء معاه.. حاوطني بيدو فخصري ونعس وهو خاط راسو على ظهري.. انا وليت متأكدة ماشي من حبو وانما من خوفه بل رعبو من اني نمشي منو مرة اخرى.. ونهرب ليه.. ولا عندو مرض جديد زادو على السادية.. مرض اسمه اكرام.. ماشي مغرم وانما حب امتلاك.. الحاجة حاسبها من ممتلكاتو.. الى جانب الفونتازم ديالو اللي لقاه فيا انا.. وهو متأكد انه مغايلقاش شي وحدة اللي تصبر على ربع العذاب اللي كيعذبو ليا.. نعست وسكتت.. فقت الصباح ملقيتش ايهاب.. نضت لقيتو موجدلي الفطور .. تفكرت فارس نهار كان كيوجدلينا الفطور.. ولكن اكيد هاد الفطور كيختلف على لاخور.. جلست فطرت.. حيت تقريبا تبلدت.. مبقات كتهمني حتى حاجة.. الالم فاق التصور وحتى واحد ما داها فيا ولا حن فيا.. امي اللي ولداتني وما حناتش فيا.. كيفاش غايحنو فيا الاغراب.. امي.. خاصني نشوفها ونتحاسب معاها.. مدام مباغانيش لا انا لا خوتي علاش ولداتنا.. من حقي نحاسبها علاش ولداتني لهاد الدنيا .. ولهاد العداب.. ياريتني متزاديت.. نضت ولبست حوايجي.. خديت شي سوارت لقيتهم فالدار.. وخرجت.. رجليا كان كيديوني لطريق الدار.. الطريق اللي حافضاها كتر من نفسي.. وصلت بقيت مترددة بزاف قبل مندق.. ولكن زعمت.. خاصني نخرج داك الفقصة اللي فقلبي.. دقيت .. فتحاتلي واحد المرا الباب مكنعرفهاش..
اكرام: شكون نتي 😳
المرا: نتي اللي شكون ..
اكرام: ماما فين هي .. امم سعاد .. وعلال فيناهو
المرا: اه .. كتقصدي السكان اللي قبل.. باعو الدار .. حنا اللي شريناها..
اكرام: باعوها!! وفين مشاو هما..
الدار: معرفتش اختي..
اكرام: شكرا..
بعدت وانا كنشوف الدار اللي خلاها لينا با.. تباعت وساكنها واحد اخور،، الصدمة ماشب غريبة.، ولكن الصوت اللي سمعتو موراها هو اللي غريب..
جلال: اكرام 😧
تلفت عندو.. وبكل برود
اكرام: فين مشات ماما
جلال: خرج عليها داك علال.. بيعها الدار وخدا فلوسها .. وطلقها ومشا دا وحدة صغيرة.. كيقولو مشات العروبية..
اكرام: علال.. مللي غادي نسالي مشاكلي.. غادي نتلها مع هادشي.. ونرد دار با بزز عليهم..
جلال: راكي مع داك ايهاب ياك.. عاجبينك فلوسو..
اكرام: ونتا مالك.. ياك بعتيني النهار اللول ولحتيني للذياب ياكلو فلحمي.. اش جاي باغي
جلال: اكرام انا كنبغيك.. وندمان بزاف على اللي وقع.. عفاك نساي.. واجي نفتحو صفحة جديدةً
اكرام: صفحة جديدة. عرفتي اش درتي فيا اجلال.. واقيلة معرفتيش .. انا غانعرفك.. نخار خديتي الدين عقلتي؟ كانو كيهددوني بالحبس.. والسي ايهاب مول الشركة خيرني من جسمي والحبس... اكيد بعت راسي ومازال .. مقابل انه ميدخلنيش الحبس...كيمارس عليا كل انواع التعذيب.. (عريت على عنقي) شوف مزيان. حبي ليك فين وصلني.. للجحيم..ونتا اسي جلال .. جاي بكل بساطة تقوليا نرجعو.. وننسا كاع هادشي اللي داز عليا... بسبابك نتا.. كتطلب مني المستحيل..
بقا مصدوم ومنطق بحتى كلمة.. وانا خليتو ومشيت.. باقي نصدع مخي على قبل شي قمقوم.. الى الجحيم كلهم.. وصلت لدار المتعة.. لقيت ايهاب شاعل..
ايهاب: فين كنتي 😡
اكرام: تهدن .. مشيت نزور دارنا..
ايهاب: وعلاش مطلبتيش الاذن..
اكرام: علاش مالك حابسني ولا.. ياك جالسة هنا بخاطري..
حسيتو تطلق مللي قلت هادشي بحال الى حسستو اني باغا نبقا معاه.. واني مغانعاودش نهرب ومجالساش بزز مني..
ايهاب: خفت عليك.. من هنا الفوق بقاي تعلميني وصاف.. اجي فين التلفون اللي جبتلك..
اكرام: ضاع..
ايهاب: صافي انا غانجيبلك واحد اخور.. غا بقايلي على خاطرك..
38
بقيت مستسلمة تماما.. ايهاب مجبدليش حس الزواج من داك النهار.. اش غايدير بشي زواج وانا راني معاه.. دوزت نفس العذاب اليوما.. مشا للشركة فالعشية وانا بقيت جالسة كنتفرج فالتلفزة.. شوية سمعت الدقان فالباب.. يكون داك الزمر نسا السوارت.. نضت بتثاقل مشيت كنتصنت مور الباب ..
اكرام: شكون..
فارس: انا فارس..
قلبي ضرب 200 دقة فالدقيقة.. فارس .. علاش جاي وكيفاش حتى عرف طريقي.. حليت الباب.. شاف فيا بصدمة.. مقدرناش نهضرو بجوج.. مد يدو وطلعلي راسي.. وشاف فعنقي..
فارس: هو اللي دارليك هاكا ؟؟😠
اكرام: منعرف.. نقدر نكون كنكتب ولا باغا ننصب.. ونكون قمشت عنقي لراسي.. وحاولت نخنقني..
فارس: 😤 هادي هي دار المتعة!!
تصدمت مللي سمعتو.. كيفاش حتى عرف هاد المصطلح وانا الوحيدة اللي كنقولو..
اكرام: 😓 شنو بغيتي افارس..
فارس: انا غادي نعتقك منو.. اجي معايا..
اكرام: 😔بلاتي نبدل حوايجي.. وغانجي معاك
بقا كيستنى فالباب وانا دخلت دغيا باش نبدل حوايجي.. باش نمشي مع فارس.. ماشي على قبل حبي ليه.. وانما حيت وعدني يخرجني من هاد القضية .. والغريق يتعلق بقشة.. هو استاذ جامعي يمكن يلقالي حل يقدر يخلصني بيه من ايهاب.. بدلت دغيا حوايجي ولحت الاخرين بسرعة.. وخرجت عند فارس اللي كان كيستنى.. لقيتو لداخل كيشوف فالدار .. والباب محلولة..
فارس: زيدي ..
ايهاب :فين غاتزيد..
قلبي كان غايوقف مللي شفت ايهاب جاي .. ماشي وقتو..
فارس: نتا بأي حق حابس هنا بنت .. ماهي مرتك ماهي ختك.. بالاثار دالتعذيب اللي فيها نقدر ندخلك الحبس..
ايهاب : 😠 اكرام.. دخلي للبيت.. ولا نتي عارفة اش غاندير..
اكرام: مغندخلش.. وايلا بغيتي تدخلني للحبس ..دخلني.. اهون عليا من وجهك..
ايهاب: اكرام 😡😡 انا غانحاسبك على هاد الهضرة.. ولكن منبعد..
فارس: هضرتها غاتكون فالكوميسارية.. واللي فجهدك ديرو..
ايهاب: خرج من داري والا غاندفنك ليوما فيها..
فارس: انا مغانخرج الا واكرام معايا..
جا ايهاب باتجاهي وبدا كيدفعني للبيت .. محسيت حتى تجر من حوايجو وتضرب بالبونية.. فارس عطاه بالبونية حتى طاح الارض..
فارس: يالله دغيا..
شديت فيدو ومشيت معاه دغيا.. وانا كنشوف فايهاب فالارض .. كان كيشوف فيا بنظرة غريبة بزاف.. نظرة غضب ممزوجة بحزن.. كأني اخر مرة غانشوف هاد الوجه.. خرجنا بسرعة وركبنا فالطوموبيل.. مشفتش فيه.. وبقيت ساكتة طول الوقت.. حيت حتى واحد مغايحس بيا فهاد الدنيا مهما شكيت وعاودت.. قلبي تضرر بزاف واحلامي كلها ولات سراب.. قررت اني بمجرد ما نتخلص قانونيا من هاد القضية غادي نسمح فكلشي وغانمشي بعيد .. ومغنعرف حد ولا نعطي ثقتي لشي حد .. المهم اني نعيش... بلا مشاكل..
فارس: عاوديلي ..مللول ..
اكرام: 😳..
فارس: بغيت نسمع منك..
اكرام: هددني بالحبس.. وجابلي البوليس حتى للمعمل..وانا كنت كناكل الدق من عند خويا.. طاب جسمي بالضرب.. وخفت يعرف يقتلني.. مكان حتى واحد يقدر يوقف بجنبي.. الدنيا كلها كتضرب فيا.. وافقت على اساس مرة وحدة..قالي غايعطيلي مقابلها ورقة ب 10000 درهم.. وفعلا.. ولكنه زاد شد فيا.. ومبغاش يتفك مني.. خديت منو الوراق كلشي.. ولكن اكتشفت انه كدب وعطاني غا الاوراق الفرعية.. بحال الى عمرني خلصت الدين..
فارس: الاوراق مازالين عندك..
اكرام: لا.. تسرقو.. مع الصاك ديالي..
فارس: كان ممكن نبرئك بيهم.. ولكن.. ماعليش.. نشوفو حاجة اخرى..
وصلنا بعد طريق طويلة.. وبعدما نعست وفقت.. وصلت لدار مي هنية.. نزلت لقيتها كتسناني.. مشيت عنقتها بالدموع..
هنية: بنتي.. 😭
اكرام: ماما.. سمحيلي 😭
هنية: سمحيلي نتي.. كان عليا نشدك داك النهار.. وريلي اش هادشي فعنقك 😱
اكرام: 😭 كان غايقتلني..
هنية: ولد الحرام.. الله يقطع ليه يديه.. نتي عمرك تخرجي من هنا .. متخافيش ابنتي
39
دخلت لبيتي.. وضرت فيه وانا خايفة.. خايفة نكون كنحلم ... وهدوءي غايكون نسبي ونرجع من جديد للالم.. كرهت حياتي.. تفكرت واحد البنت كانت كتقرا معايا فالاعدادية.، وكانت كتبغي واحد السيد.. طلع حتى هو شماتة معاها وبدلها بوحدة اخرى.. بدات كتنوح وتبكي.. وكتقول انا غادي ننتاحر.، شحال غبية.. عندها امل تعيش ومكتعيش على قبل راجل.. فتحت الماريو.. باش نبدل حوايجي.. لفت انتباهي عدم وجود البورطابل اللي جابلي المسخوط.. التلفون اللي من زهرو درتو فالجيب نهار جيت لهاد المدينة ومتسرقش مع الحوايج الاخرين.. ولكن فين غايكون مشا.. زعما يكون خداه فارس.. وبيه عرف دار المتعة.، خرجت دغيا من البيت مشبت لقيتو جالس وكيقرا فكتاب.. شاف فيا وسدو.،
فارس: جلسي..
اكرام: عندي شي اسئلة بغيتك تجاوبني عليهم..
فارس: تفضلي..
اكرام: كيفاش حتى عرفتي فين انا.. وعرفتي الدار.. وكيفاش عرفتي سميتها دار المتعة..
فارس: (ابتسم وحنا راسو وعاود طلعو) نبداو بدار المتعة.. تلفونك راه عندي.، ومنو قريت الميساجات اللي كان كيصيفطلك داك الجحش واللي كان كيهددك بيهم.، وتما عرفت دار المتعة.. اما كيفاش عرفت بلاصتك،،، مشيت للكوميسارية جبت الاسم والعنوان ديال السي ايهاب.. ومشيت لعندو الشركة بقيت كنرفبو وتبعتو حتى جا للدار.، خليتو حتى خرج وجيت دقيت عليك.،
اكرام: 😔 بغيت التلفون.،
فارس: الى بغيتي نخلصك من ايهاب.. التلفون يبقى عندي .. الميساجات دليل مهم فالقضية.. ابتزازو مغايدوزش عادي.، بيه غانقلبو عليه القفة..
اكرام: واخا.. شكرا ليك
فارس: اكرام.،
اكرام : نعام
فارس: (الصمت) تيقي بيا واخا؟
اكرام: اكيد..
نضت دخلت لبيتي وشايفة بعيني تابعني بنظراته.. شحال زوينة تشوفي حرص شخص عزيز عليك فعينيه.. تمنيت لوكان تاق بيا من الاول.. دابا مبقيتش باغا نتصدم مرة اخرى.. حيت مبقا فيا فين تجي شي دقة اخرى .. نعست وانا خايفة بزاف..اش غايوقع واش ايهاب غايسكت.. وغايخليني..هوسه بيا غايخليني.. منظنش.. ولكن اللي متأكدة منو ان فارس معايا.. او على الاقل امه معايا.. فقت الصباح .. ونضت مشيت نوجد الفطور.. فاق فارس كيتكسل.. وشاف فيا.. وابتسم.. الله يا ربي واش هادا اللي كان ديما مغوبش فوجهي..
فارس: صباح الخير..
بلعت ريقي من هو الصدمة.. المشهد جديد عليا.. ولكن لا مخاصش نتيق راسي بزاف .. مافيا ما يتحمل صدمة جديدة.. خاص نتعامل برسمية ..
اكرام: صباح الخير استاذ فارس..
شاف فيا وضحك هاد المرة بالجهد ماشي غا ابتسامة..
اكرام: واش قلت شي حاجة غلط
فارس: لا ابدا..هه غير الرسميات مكاين لاش نتعاملو بيهم..
اكرام: مهما كان .. العين عمرها ما تعلا على الحاجب.. نتا استاذ وغاتبقا استاذ.. اما انا.. شكون انا..
فارس: عمرك تقللي من نفسك.. حيت نتي قوة هائلة .. مشفتش بحالها فالدنيا.. ربما تكوني نتي اعظم مني عند الله.. وفالحقيقة نتي اعظم مني.. انا كنت ضعيف من اول مشكلة واجهاتني فالحياة.. واستسلمت.. ولكن نتي لا.. كنتي قوية حتى الاخر.. وتحملتي اللي ميتحملوش انسان.. نتي فعلا عملة نادرة فهاد الدنيا..
اكرام: 😅
بدا العرق كيطيح مني وكنرجف.. اش هادا .. بقالو غا يقول قصيدة فيا.. واش متأكد كيهضر عليا.. شكون هادي اللي كيهضر عليها.. ناري غانسخف هنا دابا،.
فارس: فين القهوة ديالي.. 😉
اكرام: هاهي 😀ً
كنت علاين نكبها عليه بقوة الرعدة اللي فيدي ...
فارس: ههه بشوية عليك..
ناري هاد السبد غايقتلني ويخرج عليا.. اكتشفت اني فعمري ما بغيت جلال.. وانه كان فقط ملاذ ليا.. ومهرب من ظروف عيشي فدارنا.. ولكن دابا احاسيسي مختلفة.. كنتكركب غا مع راسي.. كنحس بتفاعل فالاعماق دالقلب ديالي مللي كنشوفو.. عمري كنت كنظن ان هاد القلب غايحيى من جديد ويبغي ويعيش الحب.. كنت كنظن ان ايهاب قتل كل شيء زوين فيا.. ولكن فارس استطع يفيق من جديد هاد الروح ويرجعها للحياة..
فارس: اكرام..شنو رأيك تمشي ليوما معايا للجامعة.. وتدخلي تحضري المحاضرة اللي غاندير مع الطلبة..
اكرام: 😳بالصح..؟
فارس: الى بغيتي 😊
اكرام: حلم حياتي انه نقرا فالجامعة.. جوج دقايق نلبس ونجي..
فارس: غانستناك
مشيت كنجري وانا مامتيقاش راسي.. لبست اللي جات قدامي.. وخرجت لقيت مي هنية جالسة كتفطر
هنية: صباح الخير ابنتي... فين باغا تمشي..
فارس: غاتمشي تقرا..
هنية: بالصح،.، تبارك الله على بنتي..
اكرام: ربي يخليك اخالتي
40
مشيت مع فارس وصلنا وانا قلبي بدا كيضرب.. بقيت حالة فمي بحال شي وحدة دخلات لمدينة الاحلام.. بزاف دالشباب والشابات.. كل الانواع،، شي ملتزم شي مفركس شي مواضب.. كل الانواع.. فرحت بزاف.. وصلنا لواحد القاعة كييرة وفيها الطاولات كبار.. شاف فيا فارس.. بحال الى قرا عيني..
فارس: هادا سميتو مدرج.. بالفرنسية emphi.. وهنا كنقدم المحاضرات ديالي..
اكرام: وااو.. قلبي تشد لهادشي..مكرهتش نقرا هنا ديما.. ونتعرف على كاع الناس..
فارس: ليس كل ما يلمع ذهبا .. فالجامعة فيها فصائل بزاف.. الاسلامي مثلا والقاعدي والامازيغي.. كل واحد من هادو مختلف على لاخور بزاف.. وكل واحد عندو افكار خاصة وقناعات..
اكرام: غريب..
فارس: كما ان الجامعة عالام بوحدو.. مثلا غاتشوفي محاكمات هنا.. يعني الى شي حد دار خطية هنا كيتحاكم وفقا للعرف الجامعي ماش برا..
اكرام: اوو
فارس: هادا شيء جميل حيت الحق مكايضيعش.. ولكن من جهة اخرى عندو سلبياتو
اكرام: شكرا بزاف.. انا حاسة راسي مكنتش عايشة.. ونتا رديتي فيا الروح..
فارس: يا ريت 😌
حشمت وشديت بلاصة.. شوية بداو كيدخلو الطلبة.. وكل واحد جالس فبلاصة وكيشوفو بانتظام للاستاذ.. نظمو راسهم براسهم.. والى شي حد هضر او دار الفوضة كلشي كيوقف فوجهو.، لا علاقة مع الاقسام ديال الاعدادية ههه.. مازال كنسمع جملة" انضبط الطالب..." تقال له من طلبة اخرين.، وقف فارس شامخ وبشخصية قوية قدام الطلبة ديالو.. وانا كنشوف فيه باعجاب وافتخار كبير..
فارس: اذا نبداو الدرس ديالنا ليوما.. بمقولة " القانون لا يحمي المغفلين" ما رأيكم.. هل يجب ان تسن تشريعات جديدة تحمي المغفلين .. ضحايا النصب .. والتي يمكن ان تفتح قضايا كثيرة تم فيها النصب على اشخاص دون وجه حق من طرف اشخاص استغلو النية الطيبة للبعض.. ام ان هذا سيفتح باب استغلال ثغرة المغفل .. بين قوسين.. من اجل الخروج من قضايا اخرى.،
ناري قلبي.. حتى الشرح ديالو كيدخل للقلب.. معدر الطلبة منتابهين.. لاحظت في عيون بزاف ديال الطالبات .. الاعجاب بأستاذهم.. ناري غايديوه ليا.. 😭.، شدي راسك اكرام وركزي مع الاستاذ..
سالات المحاظرة وكلشي خرج والكثير مشاو لعند فارس كيستفسرو منو.. وانا بقيت جالسة كنستنى فيه.. بانلي فيه قيس .. وانا ليلى.. ترى واش داها فيا .. احبك.، لا اعرف ما احب بك.، شخصك وجهك ام كلك.، انسان انت لا نظير لك.، احببتك وانا فخورة بحبك.، لم اظن يوما اني سألتقي مثيلك.. رعاك الله واحسن رعايتك،، وغسل بالماء والثلج والبرد ذنوبك،، ومن شياطين الجن والانس حفظك.. يامن على جميع خلقه اصطفاك،، لتدخل قلبي وتحفظ مكانك.. فأذنلي ان اسألك.، اذا ما كنت راضيا بحبي لك؟!! او اني مقصرة بحقك.. صدقني ليس ذنبي حبك،، بل هو قلبي ... قلبي يتقلب تجاهك.. ويصرخ احبك.، احبك،.
سالا وجا عندي.. وطلب مني نمشيو.، مشيت معاه وانا فرحانة..
اكرام: عرفتي افارس.. مكرهتش نبدا نقرا من دابا..
فارس: غاتقراي متخافيش ..
اكرام: علاش فنظرك سكت ايهاب.. ماشي من عوايدو.. مدار حتى ردة فعل..
فارس: يمكن لقاني معاك.. عرف انك مبقيتيش بوحدك
اكرام: اه كان كيستفرد بيا..
فارس: نسايه عليك.. ماما تكون كتستنى فينا
اكرام: سمحت فيها ليوما..
وصلنا للدار ..
هنية: خليتوني بوحدي..
اكرام: مغنعاودش اماما ههه
هنية: ماعليش.. اهم شيء عندي هو تكونو نتوما سمن على عسل..
فارس: هاهي المجتهدة ديالنا جات..
ناري قلبي كيفرفر مللي كيهضر عليا.. بقيت تابعاه بعينيا وفرحانة.. عمري كنت كنتخيل اني نفرح شي مرة.. كانت الفرحة حلم بعيد جدا..
هنية: بعد غدا حنا معروضين لعرس فالعائلة.. غانمشيو ياك
فارس: طبعا.. ومنو باش تبدل اكرام شوية الجو.. وتتعرف على عائلتنا..
كان غايسكتلي القلب.. ناري عندو غرض يعرفني على عائلتو.. قلبي الصغير لا يتحمل.. وانا اللي قلت غادي يصتعر مني.. حيت.. نساي صافي اكرام.. الباب كتتفتح قدامك.. باش تنساي وتبداي من جديد..
الغد ليه نضنا انا وخالتي.. ووصلنا فارس للقيساريات.. بقينا كنضورو ونشوفو التكاشط.. شي تكاشط واعرين كيحمقو.. اختاريت وحدة زوينة بزاف وخلصاتها مي هنية.. شريت معاها طالون باش نلبسو .. رجعنا للدار وماوريناش لفارس اشنو شرينا وحتى هو ما هتمش.. الغد ليه.. نضنا بكري ووصلني فارس الكوافورة ودرت معاه يدوز مورايا.. ونمشيو للعرس من تما.. لبسات مي هنية من الدار تكشيطها وشالها فالدار.. وانا صاوباتلي الكوفورة الشعر والمايكاب.. شفت فراسي معقلتنيش.. ههه يا ترى واش غنعجبو.. جات وحدة قالتلي راه كيستناك واحد سميتو فارس.. اه فارس احلامي.. خرجت وانا مستريسية.. شاف فيا ومحيدش عينو.. كان بريق الاعجاب كينتثر من عينيه..
اكرام: جيت زوينة ؟☺️
فارس: كلمة زوينة قليلة فحقك.. 😄
مللي سمعت هادشي تكعبلت فالتكشيطة وكنت غانطيح لولا ان فارس شدني.. ولاول مرة كنقرب من عينيه.. لون الطماطم ولا فوجهي ديك الساعة..
فارس: تفضلي ..
الحمد لله انه عتق الموقف دغيا وحللي الباب ديال الطوموبيل وركبت.. ركب حتى هو وبدا يصوك .. امه لقدام ..
هنية: تبارك الله على بنتي.. جيتي زوينة..
اكرام: الله يخليك لينا امي ..
بقيت كنشوف قدامي وحشمانة من الموقف اللي وقع.. شوية بانلي كيشوف فيا فالمرايا.. تما زدت حشمت كتر وحنيت راسي.